蕃茄意式肉丸長通粉 ( 16-aug-2011 )

( 16-aug-2011 tue )

woo   星期二 lu   自從做完手術喺屋企休養之後   我覺得有得番工真係好好多呢   最緊要可以賺錢   咁唔駛下下就住用咁肉痛嘛   umm   都係各有好處啦   哈哈 ~

菇場又係咁靜   個個自閉咁款   不過又係嘅   個個都用 msn   唔靜先奇 ~
好快 lunch time 喇   諗住去遠小小食粥   但個天黑黑地   好似想落雨咁   所以去附近食粥算喇   呢間標榜無味精   不過係無味添囉   同埋我叫炒米粉   食咗半碗粥都未黎   以為咁好即叫即炒啦   我整   原來係蒸嘅   難食到暈呀   呢間嘢我唔會再幫襯架喇   整鬼丫   朝早同晏晝都咁鬼難食 ~

放工番屋企喇   話哂要預備晚餐   雖然里奧大人今日上咗大陸   我可以慢慢整   但依家做咩都慢動作   都係早 d 整好 d ~   
是日懶餐 - 蕃茄意式肉丸長通粉
蕃茄意式肉丸長通粉- 今次用 2 磅茄仔黎煮架   之前煮蕃茄蓉都會落好多糖   所以好多時甜味多過茄味   因為里奧大人話太酸會胃痛嘛   咁咪落多 d 糖囉   其實我就鍾意酸酸咪咪多 d 嘅   但上次佢話 d 蕃茄蓉好甜   我話咁下次唔落咁多糖   但係如果好酸就唔可以話我囉   真係好彩   今次佢話好食咋 ~