住家飯 @ 媽咪屋企 ( 18-aug-2011 )

煎黃花魚

冬菇燜雞

麵豉炒豆角

清補涼豬展湯

( 18-aug-2011 thu )
今朝約咗 8 卦食早餐   本來想去另一間   但無啦啦寫住早餐暫停一天喎   所以去番我平時食開果間算數   唔好煩 ~

菇場超靜啦   不過都慣咗   反正自己都係成日 msn   都無乜所謂   我之前做果間公司   個個師奶一見老闆喺度呢   講嘢都特別大聲過人   把聲又唔係好聽   一個豆沙喉   一個似鬼 "錬" 咁聲   又尖又刺耳   我同里奧大人講好似喺街市番工咁呀 ~

Wow   好快 lunch time   又係 lunch box   依家 lunch box 份量係我自己原來嘅份量   加埋里奧大人食唔哂嘅份量   我唔鍾意咁囉   太多嘛   依家好快就飽   唔想食太多囉 ~ 
放工番媽咪屋企食飯   好耐無食過媽咪住家飯咁呀   媽咪依家隻腳嘅傷口仲要包住   我話出去食好過   我驚佢特登去遠 d 買新鮮嘢呀   咁我就真係唔想囉   其實簡簡單單就最好   我無要求嘛   不過媽咪多數實會整魚   煲湯比我囉   自從話比媽咪聽我貧血之後   依家日日都問我個咀唇有無咁白   唉   之得唔講佢知啦   佢實好擔心   下次覆診之後就呃佢話已經無哂貧血   同埋我做手術又唔話佢知   佢覺得我有事都唔會同佢講   所以今次真係要講呢個善意嘅大話呀   唔係佢咁樣擔心   我真係唔想囉 ~