香蒜蜆肉意粉 ( 24-aug-2011 )

( 24-aug-2011 wed )
時間真係過得好快咁嘅   咁就過咗大半年 lu   不過呢年真係好開心呢   因為搬咗出黎嘛   想幾時見屋企人都得   佢地黎見我又易喎   如果住得太遠   成日會覺得出出入入好攰咁囉 ~
結咗婚之後   我多數以里奧大人為先囉   所以果時住大埔唔係成日同媽咪食飯架   因為想多 d 時間陪里奧大人   但其實我成日都覺得自己好衰囉   所以依家同媽咪住得咁近   探媽咪方便好多   最多咪探完打的番屋企再陪里奧大人食飯   都仲有大把時間   再唔係   叫媽咪黎我屋企附近一齊食嘢   咁我又可以見到媽咪又可以同里奧大人一齊食飯   咁仲好添 ~
早餐其實好想食三文治   方便丫嘛   但又唔想食蛋   食吞拿魚又得好小   唔夠飽嘛   所以最後都係食雪菜肉絲米粉餐喇 ~

菇場淡季嘛   所以都無乜嘢做   不過都慣咗架喇 ~
Lunch 就係食朝早買嘅杏仁蛋糕同腸仔包   買嘅時候係新鮮出爐架   幾鬼正   不過我唔會買早餐番菇場食架   除非遲大到啦 ~
太耐無煮喇   真係一諗煮乜都頭痛   不過我只係想煮意粉   因為鐘點成日整中菜   所以有 d 驚   難得自己煮   多數煮意粉 ~
無啦啦好想食油炸鬼   所以買咗條番屋企慢慢嘆   之後再行超市   點知睇到 d 薯條呢   個肚係咁打鼓   咁同緊家姐傾緊電話   我話如果肚餓就好想食甜嘢   好似蜜糖杏仁果 d 咁呢   點知家姐話根本我就係想食   唔係因為肚餓先想食   嘩哈哈   又係喎   不過無得買囉   邪爆 ~
番到屋企第一時間食條油炸鬼啦   熱辣辣脆卜卜   好味到爆   不過食完好鬼漏   因為之前里奧大人話無背心底衫着嘛   所以我諗住食飽之後熨衫   當做運動囉   都唔等鐘點黎熨咯   諗住熨多一兩件就收手   點知忍唔住熨哂一機衫   我其實好怕做 d 唔做 d 咁架   熨完衫即入廚房整嘢喇   忙到我呢 ~  
是日懶餐 - 香蒜蜆肉意粉
香蒜蜆肉意粉 - 爆香 d 煙肉   再加蒜蓉爆香 d 蜆肉   再加埋意粉同雜豆一齊粉   好在試味咋   原來無乜味   即刻加番 d 蒜鹽   當堂好味好多呀   不過之前淥完 d 意粉唔記得加油撈勻   所以 d 意粉比較乾囉   oh ~
里奧大人差唔多 9 點半先番到屋企   好在依家有暖壺   超勁方便呀 ~