打邊爐 @ 稻香 ( 九龍灣 ) ( 23-aug-2011 )

( 23-aug-2011 tue )

嘩   星期二喇   呢三晚都 10 點半上床瞓覺   我依家係想瞓就入房瞓架喇   唔係喺梳化瞓着咗之後入房瞓   會瞓唔到架 ~

真係好感恩菇場附近有茶餐廳   呢間茶餐廳係之前食開嘅茶餐廳嘅另一間分店   所以水準一樣   同埋最緊要冷氣夠凍   正 ~



番到菇場見阿 head 間房無開燈   超勁開心啦   點知 11 點見到佢 ~又係食 lunch box 啦   我真係好唔鍾意食肉餅   肉絲同埋雞柳   但豬扒  雞扒又 ok 喎   唔知點解 ~今晚請里奧大人食生日飯呀   但唔知佢收幾點   同埋佢實要做公司嘢   所以地方只限九龍灣 ~

好感恩佢 7 點放工   我問佢打唔打邊爐   佢話打啦   話我問咗幾十次喎    嘩哈哈哈哈 ~

喺我地對面枱有一男一女叫餸食飯   見佢地枱面得半隻雞   仲以為佢地就咁食一碟餸   因為見佢地食咗好耐嘛   點知原來佢地係等個唔知咩煲仔菜   點解我會咁留意佢地係因為個男人就咁食   無乜點同個女講嘢   只有個女同佢講嘢   而佢 d 態度都好冷淡咁   嘩   我真係接受唔到咁呀   可能我實在太多嘢講啦   同埋里奧大人唔理我   我會話佢唔聽我講嘢   如果佢係都話有聽   我會問番佢   我對上果 3 句係講咩   但佢又真係答到喎   oh ~

依家稻香唔抵啦   以前 d 醬料係任添唔駛錢   依家每位要 $ 8   不過咁   喺稻香打邊爐又真係舒服過喺吉野家同大快活嘅   同埋佢地 d 嘢食都幾新鮮   算啦 ~