( 22-aug-2011 mon )
話咁快又一個星期嘅開始 今日係里奧大人生日 所以我都覺得好開心咁 ~
今朝又麥記喇 諗唔到食咩就多數麥記呢 ~
菇場無嘢做就啱喇 因為我晏晝 off 嘛 唔想 hold 住 d 嘢做唔哂 ~
同媽咪飲茶 之後再打的去覆診 其實唔想打的架 不過想陪媽咪耐 d 囉 ~
Book 咗 3 點半 差唔多 4 點半先睇 醫生見到我就話原來係妳呀 我同醫生講估唔到妳認得我呀 佢就話梗認得妳啦 切個瘤切咗好耐嘛 哈哈 我好感恩 everything OK 醫生話奇怪傷口仲會有 d 痛 正常應該唔會 係因為我唔夠放鬆 叫我放鬆 d 喎 ~
睇完搭地鐵 有個 6-7歲男仔 我坐幾個站 佢就問足佢爸爸咁耐嘢 嘩 問到我都煩呀 佢落車都仲聽見佢把聲 真係好煩 我會容忍到小朋友問嘢講嘢 但就唔可以不停咁講 嘩 真係人都顛 ~
番到屋企坐陣就同家姐去價真棧買嘢 之後約埋里奧大人一齊番屋企 家姐就番媽咪屋企食飯喇 ~
本來今晚想同里奧大人出去食架 但佢話想我食新鮮飯 咁算啦 留番聽晚先同佢出去食 ~
自從由知道開始要做手術到出院 里奧大人真係好表達到佢細心嘅一面 做完手術驚我無力拎杯飲水 所以千叮萬囑記得帶飲管 估唔到當晚真係要飲水 姑娘話等佢拎枝飲管先 我話我有 佢都好驚訝我有呀 呢一刻我真係好感動里奧大人咁細心 之後喺我住院期間 佢又洗哂屋企所有唔同大細嘅 cushion 等我睇下邊個會墊得舒服 d 講真 雖然我都知佢本身都幾細心 但估唔到佢會諗埋我之後會點點點囉 因為佢都算係細心得黎都係一個粗心大意嘅人嘛 所以我尋日話送比佢嘅生日禮物 就係我一定要身體健康 愛錫身體 咁先係愛佢囉 唔駛佢成日咁擔心 我一定會做到呢 ~
沒有留言:
發佈留言