( 2-aug-2011 tue )
尋晚個肚都痛架 不過瞓醒就好好多 lu ~
今日好想幫里奧大人去 Jusco 買嘢 有九五折嘛 所以之前已約好家姐一齊 lunch ~
今朝無胃口食早餐 行到地鐵站個人都有 d 虛脫 我依家出街都會慣性按住個傷口 好鬼驚 d 人撞埋黎 所以 d 人見我行得慢 又按住個肚 都以為我好辛苦呢 不過今次真係有 d 辛苦 可能未食早餐無力呀 好在有個後生女讓位我坐 我都唔客氣要坐喇 ~
之後轉車啦 要企 2 個站 有個女人好緊張咁問我有無嘢 我話無 我 2 個站後就落車 佢都仲係好緊張咁問多次我有無嘢 話有嘢就叫人讓位我坐 oh 好感動呀 個女人咁好人 ~
唉 自己又搭錯車 要行一段路先可以去番太古站 攰到私呢 去到 jusco 第一件事就係去搵位坐呀 好在有櫈坐咋 坐咗 10 分鐘先回到氣 ~
之後買嘢 個 sales 見我個樣咁辛苦咁 話同我拎埋落去喎 我話唔駛 ~
同家姐去 Outback 食 lunch 家姐第一句就話 " 嘩 妳個咀唇好白呀 白過之前好多呀 " oh no 我無照鏡呀 不過唔怪得 d 人覺得我咁辛苦啦 原來自己面無血色嚇親人 好在食番嘢 個唇都有小小血色 ~
家姐同我一齊坐巴士 佢坐一個站就番到公司 我就坐到官塘轉車 熱到呢 ~
番到屋企要再沖涼啦 立痴痴真係好鬼辛苦 之後鐘點就黎到 lu 不過個肚有小小痛 所以我瞓咗覺 瞓醒好好多喇又 ~
今晚里奧大人又係 9 點先番到屋企 我都無乜胃口 所以聽日又有 lunch box 喇 ~
沒有留言:
發佈留言