漁米之香 @ 九龍灣 ( 14-feb-2012 )

鳳城蝦多士

回味菠蘿咕嚕肉

漁米小炒皇

薑蔥豆卜燜枝竹

清補涼糖水 ( 免費 )

( 14-feb-2012 tue )

今日情人節呀   不過對我黎講真係無咩意思囉   因為我同里奧大人都唔係一個浪漫之人嘛 ~  

天氣又潮濕   又落毛毛雨   最鬼驚咁嘅天氣 ~

架衰巴士居然 7 點 56 分就到   所以今朝 8 點 10 分左右已經番到菇場附近喇   咁多時間   所以食麵   點知今次 d 麵好林   我最唔鍾意呢   所以一定要快快食   唔係林上加林呀 ~


菇場無嘢做   同 8 卦 m 到差唔多 lunch time   之後我出去買嘢番菇場食 lu ~

又等放工 lu   今晚里奧大人要見客   所以我約咗媽咪同家姐一齊去漁米之香食晚飯喇 ~


食完送埋媽咪坐車就同家姐一齊去萬寧買嘢   我要買洗頭水   但原來買 3 件個人護理產品滿 $99 就送一樽好立克   咁我支洗頭水都 $54.9   咁家姐就買多 2 件個人護理產品   點知 3 件又唔夠 $99 喎   咁家姐又話買藥買牙膏就得   我話爭幾蚊   買筒糖咪得囉   點知家姐 r 哂頭話買糖唔得喎   我話我咪買咗 3 件囉   家姐話但係 3 件唔夠 $99 喎   oh  係喎   成日唔記得添   所以最終都買咗牙膏喇 ~  

之後我話買 cream   一樽 $149 又有一樽好立克   因為肯定過咗 $99   之後家姐話妳買一件咋喎   人地係要 3 件滿 $99  咁妳咪蝕   嘩哈哈哈   係呀   好在家姐喺度   唔係我真係買咗架   到比錢嘅時候   我話碌卡   家姐話妳儲分咩   我話唔係   問我有無 cash coupon   話唔係儲分梗係用 coupon 啦   嘩   係喎   我完全唔記得有 coupon 呢回事呀 ~  

買完之後   家姐就上我屋企傾下計   佢無啦啦問我仲要唔要廁紙   我話唔駛   因為我仲有 5 條   問佢係咪想要廁紙   佢話唔係   佢屋企仲有 7 條   之後講開沐浴液   我話我依家有 4 支大 3 支小   洗手液又有 4 支   問佢要唔要   佢又唔要   之後佢話係咪因為儲印花先咁多   我話梗係啦   唔係唔會有咁多   因為我多數開咗 1 支就會買支新   咁唔駛用哂都唔知嘛 ~ 

同家姐傾開計   先知佢同事超級賤格   呢個同事之前已經衰啦   自己做錯嘢又做得耐   咁家姐叫佢改番   佢無啦啦坐喺度喊話家姐鬧佢   痴鬼線   之後家姐果晚番媽咪屋企食飯   食食下飯係度飲泣   媽咪問佢咩事   佢話比同事屈好唔開心   之後個同事扮無嘢   又同家姐玩番埋   去家姐屋企打牌咁 ~   

估唔到今次又係呢個同事整到唔開心   條友仲好攻心計添呀   不過家姐好好彩   整唔到佢   我話呢 d 人妳唔駛理佢   最緊要妳唔好周圍同人講呢個人點點點   因為咁樣做就等如妳講人是非   佢個人咁衰   遲早實有人知囉 ~

里奧大人差唔多 9 點半先番到屋企   咁都好丫   因為初初諗住要陪客食飯嘛   肯定好夜囉 ~