黃咖哩雞 - 我覺得無咩味 唔知係咪食慣濃味嘢 但 mimi 話好鹹 叫我飲啖 就咁飲真係好鹹 但點包就唔覺囉
原味烤包 - 一上枱心知不妙啦 咁巨嘅 肯定食唔哂
蒜蓉烤包 - 聞就有好香蒜蓉味 但食落無咩味 同埋我覺得個包好厚 唔夠脆呢
椰汁木薯 - 呢個甜品永世難忘呀 甜到打冷震 木薯又甜 d 椰汁凍咗就更加甜 甜到好難頂 好在 mimi 食咗好多 知我唔想食嘛 幾驚話邊個叫邊個要食哂呀 嘩哈哈
mimi 送嘅生日禮物 ^^ 好在番到屋企無爛無穿 盒同餅都完整無缺 多謝笠笠 33
( 20-feb-2012 mon )
今朝又同 8 卦食早餐 佢有運行啦 因為我請佢食早餐 我仲咗大獎嘛 都好想同佢一齊分享下 同埋佢對我真係好好呢 ~
唉 潮潮濕濕 個人特別攰 到 lunch time 出去行陣再買飯盒 ( 蠔汁豆腐 / 蕃茄豬扒 ) 番菇場食算喇 ~
終於每月一到啦 唔怪得今日無啦啦咁攰 原來如此 ~
今晚老友 Mimi 請我去泰屋食生日飯呀 所以約咗 6 點15 分喺佐敦地鐵站等埋我 驚我唔識路呀 ~
Mimi book 咗 6 點半 去到時間啱啱好啦 但居然要坐正門口位 無理由 book 咗位會坐門口家嘛 所以我唔想坐呀 佢再安排我地坐入小小囉 ~
一坐低 Mimi 就比份禮物我呀 超驚喜呀 因為有飯食仲有禮物收喎 唔開心就假呢 真係客氣 係都要我記得妳 ( 多謝笠笠 33 ) ~
之後就一齊睇 menu 食咩 不過我每月一到 所以其實無咩胃口 最緊要唔好叫辣 其實真係第一次食泰菜唔食辣囉 超唔慣呀 ~
點完菜就傾喇 一路食一路傾 雖然平時都喺網絡上傾計 但當面傾計都好多嘢傾喎 同埋我同佢背景真係好似 所以仲更加啱傾 真係唔駛講多句 佢都會好明白我咁 ~
其實我真心朋友真係唔多 我已經唔會咁易講自己嘅嘢比人聽 好驚受傷害呀 因為之前試過係咁嘛 都係唔講咁多嘢好 d 要保護自己 所以識到 Mimi 真係好開心 其一佢口密 其二同佢一齊唔駛造造作作 真係有咩講咩 佢會好 "用心" 聽妳講嘢 有咩問就即問 佢會好 "用心" 答妳嘢 咁大家自自然然就會了解多咗呢 ~
食呀食傾呀傾都差唔多 10 點 里奧大人又打黎 Mimi 應該可能覺得里奧大人催我走呢 所以 Mimi 話走喇 聽日要番工嘛 ~
一齊行去搭地鐵 轉車之後就各行各路喇 我無啦啦好想嘔呀 超勁好想快 d 番到屋企 之後有 d 暈 勁想叫里奧大人黎接我 不過如果叫得佢黎 其實我急步都好快番到屋企 ~
一番到屋企即除鞋 同里奧大人講好暈要抖陣 之後我瞓咗半個鐘就醒咗 見到里奧大人原來未沖涼 佢話驚我有事所以唔敢沖 我見到佢個對眼皮 dup 哂落黎咁呀 個心好痛呀 之得唔話暈啦 ~
沒有留言:
發佈留言