什豆極辛出前一丁 + 煎薄撐 + 蓮子陳皮紅豆沙 ( 16-feb-2012 )

( 比我整到個賣相同煎魚餅一樣 @.@ )

( 16-feb-2012 thu )

今日開始轉飲檸茶   不過假期又會飲下咖啡過心癮呢 ~

忙咗陣就 hea 喇   個人一攰   覺得好有渡日如年嘅感覺 ~

晏晝有 lunch box   其實之前都講過話菜唔好叮   不過我都會照叮菜囉   我唔可能有肉無菜   我次次如果食啖啖肉   我會覺得周身唔舒服咁架 ~

嘩   好難先等到放工   真係有時悶到咩 mood 都無哂 ~
  
里奧大人要見客   又係唔知幾時番   所以我自己食麵先   之後做埋家務   今晚終於頂唔順喺房開抽濕機   抽濕完成間房爽哂   真係好怕 d 嘢 up up 濕濕咁 ~

是日懶餐 - 什豆極辛出前一丁 + 煎薄撐 + 蓮子陳皮紅豆沙

什豆極辛出前一丁 - 估唔到都有小小辣喎   不過點都唔夠辛辣麵辣囉   其實就咁加什豆已經好好食   不過里奧大人就肯定唔制   佢唔鍾意食青豆   但各種蔬菜都有唔同益處家嘛 咩都要食 d 先得呢 ~

煎薄撐  - 其實想清埋包 200g 低粉   跟食譜做法   不過原來煎出黎好厚身   完全無薄撐 feel   咁個底部都煎到金黃哂   但上面仲係漿   我剷起之後完全一舊舊散哂   我又唔識拋鑊   大佬   五層鑊好重嘛   之後唔想浪費   所以轉用 grill pan 再煎未熟嘅部份   本來又想拋個 pan   不過都係好鬼重   同埋有糯米粉關係   痴住哂好難煎   下次都係分開 2 份黎煎先   咁難得我煎薄撐   賣相唔掂都留番小小比里奧大人試呢   佢話味道 ok   不過就濕咗 d 喎 ~

蓮子陳皮紅豆沙 - 之前驚咗食紅豆沙   但呢排又好想食喎   所以自己煲   不過無起沙囉 ~

唉   今晚里奧大人 9 點幾就番到屋企   不過我無煮到飯   所以叫佢買麥當勞   再陪下佢傾下計   一齊食薯條   咁樣我已經好滿足架喇 ~