鳳爪排骨飯 + 炸醬麵 + 蠔油生菜 ( 外賣 ) @ 屋企 ( 23-feb-2012 )

( 23-feb-2012 thu )

今朝瞓到 7 點 45 分   比平時瞓多 20 分鐘   不過都有時間食早餐   同埋唔會遲到呢 ~  

有時喺菇場悶起上黎會諗   其實自己喺度做咗 5 年幾   真係得 8 卦最 frd   如果唔識到 8 卦   真係一個 frd 都無   其實同 receptionist 都 frd   不過話題無咁廣嘛   同 8 卦真係咩都可以傾   d 時間過得好快架 ~

晏晝叮拿破崙意粉   細細盒最好呢 ~

放工即走   諗住買牛肉盅頭飯   點知要等 10 分鐘   我唔等 lu   所以買鳳爪排骨飯算數 ~  

沖埋涼先食飯   不過今次 d 飯好林囉   超難食   所以分開 2 次食   盡哂力都係食咗半盒   因為我實在好怕食咁林嘅飯 ~

今晚精神番 d   所以用密實盒裝好老友 mimi 親手焗比我嘅曲奇   咁我懶得拎櫈   所以用麵粉棍撩個盒落黎   嘩   成個盒飛落我鼻樑度呀   好鬼痛呀   痛到即按住個鼻   幾驚破相呀   之後一按就痛喇   做人真係唔可以咁懶呢   嗚嗚嗚嗚 ~

好耐無見里奧大人咁呀   所以 8 點幾打比佢問佢幾點番   估唔到佢 8 點 45 分已經喺上水番緊黎   咁我無啦啦打比佢   佢都應該知我掛住佢   想佢早 d 番呢 ~

我想食菜   所以佢又買埋炸醬麵番屋企食   真係好多晚無同佢同枱食嘢咁喇 ~