釀尖椒 + 韭菜炒麵 ( 15-feb-2012 )

( 15-feb-2012 wed )

天色又係灰灰暗暗同落毛毛雨   oh   好想見到太陽呀 ~

早餐食奶醬多   呢間餐廳真係無咩必要唔會再去   佢地實在太煩   今朝個地好跣   有個客差 d 跣到   阿 a 同 阿 b 講好驚   咁阿 b 又唔知講咩又一輛咀   之後阿 a 又同阿 c 講   阿 c 又同番阿 a 講   總知佢地好鍾意將一個話題沒完沒了咁講   講咗幾分鐘   痴鬼線   咁之前 8 卦同我講   另一個同事喺度食早餐   阿 abc 唔知講咩講好耐唔停   比客鬧呀   叫佢地收聲   咁又真係抵鬧喎   地方唔係大   仲要幾把煩厭女人聲係咁嘈   大佬呀  咁樣真係好影響人囉 ~

菇場靜到我想瞓   好在 hea hea 下又到 lunch   尋晚食唔哂 d 餸   我之前又剩咗 d 飯   所以今日就有 lunch box 喇 ~

放工即走喇   今晚去街市買餸   因為要買麵餅同韭菜同鯪魚肉   本來想買芽菜   不過幾檔都無哂   得番一檔有   但呢一檔就係上次態度極衰果檔   所以我就算點想食都唔會幫襯佢囉 ~

里奧大人又唔知幾時放工   所以我都煮咗先   估唔到都煮咗一個鐘   唔怪得咁攰啦   煮完洗哂所有嘢就沖涼   舒舒服服乾乾淨淨咁食飯就最開心呢 ~

是日晚餐 - 釀尖椒 + 韭菜炒麵

釀尖椒 - 之前剩咗 2 個細青椒   肯定唔夠食   所以再買多 5 隻尖椒   再買 $14/半斤鯪魚肉   份量啱啱好   今次落咗好多油呀  同埋好有心機煎   所以好靚仔   今次真係人生第一次煎咁靚嘅魚肉呀   又無痴底   好開心呀   里奧大人都話就算放咗喺暖盒入面都好好食呀 ~

韭菜炒麵 - 唔想食飯   所以簡簡單單炒個麵喇 ~

好在自己食咗先咋   里奧大人差唔多 10 點先番   不過我依家都會等佢食埋   幫佢洗埋啦   見佢咁辛苦嘛 ~