煎蘿蔔糕 @ 屋企 ( 10-FEB-2013 年初一 )

煎蘿蔔糕 - 唔會再買大班蘿蔔糕   食粉咁 @.@ 

蒸蘿蔔糕 - 加咗甜豉油同胡椒粉   係樣衰咗 d ^^

無敵組合 - 甜豉油 + 余均益辣椒醬


( 10-FEB-2013  SUN )

年初一喇   話咁快又新嘅一年 ~

本來今朝番教會架   但里奧大人半夜 4 點幾話番唔到教會   因為飲完杯百香果   成晚去廁所   無覺好瞓喎 ~

10 點半起身   咁里奧大人話煮丁   咁叫佢煮過 "步步高丁"   之後家姐打黎話 12 點前到婆婆屋企   唔係嘛   明明話 12 點半先到婆婆屋企   依家無啦啦又話 12 點前   搞到我地好趕   早 d 講我地就唔食早餐    求其買個包黎咬就算嘛   咁里奧大人問家姐做咩無啦啦又話 12 點到   家姐話婆婆話無人幫手煮飯   想佢早 d 到   咁里奧大人就話咁妳識煮咩   家姐話唔識   咁早到都無用   其實早到唔係問題   大家一齊傾計都好開心   問題係要講清楚時間   唔係妳話落樓就即刻可以落樓家嘛 ~

  
去到婆婆屋企   我地咪又係坐喺度傾計   根本都唔駛我地幫手   我唔係覺得浪費時間   我同表妹都好多嘢傾   但唔鍾意趕頭趕命要人到   話準時開飯   但到頭來喇   齊哂人咪又係 1 點幾開飯 ~

煎鲛魚 - 啖啖肉正呀   不過就咁食就鹹咗 d 

煎蝦碌 - 大食表妹話婆婆話買蝦都買咗 $1000   咁呢碟應該 $400

鴨舌 - 好入味   又辣辣地   正

南乳齋 - 新年必備

髮菜豬手 - 我無食呀

白切雞 - 我都無食

生果 - 仲以為係西柚   原來係橙   好甜呀   正

我疊架   唔駛 30 秒已經搞掂   之後試疊第 2 次   叫表妹同我計時   之後叫佢地學埋 d 觀眾咁   大聲尖叫加油加油   之後又要再話仲剩番 25 秒   快 d 快 d   嘩   其實咁氣氛真係好影響架   所以我最後都疊唔到   有壓力呀   嘩哈



食完飯再食生果   之後又一齊食糖   真係一齊食特別開心   可能里奧大人真係一個唔為食嘅人啦 ~

家姐同媽咪走先   剪髮表妹要我陪   咁我陪到 3 點半就同佢一齊走喇   我地要趕下場去里奧大人家姐契媽屋企拜年呢 ~ 

約咗 4 點   一開電梯就見到契媽   佢話要買燒肉用黎聽日開年   叫我地自己上去先   咁里奧大人話好   我以為佢屋企有人   原來係無嘅   要喺門口等 15 分鐘   我真係第一次咁囉   奇奇怪怪 ~

坐咗一個鐘就番屋企喇   今晚唔想出街   所以喺屋企煎糕食算喇 ~