2013年2月18日星期一
凍凍凍韶關美好回憶記錄 ( 2013 )
今次新年堅持去旅行 係里奧大人真係好想出去 relax 下 去邊度都好 最緊要唔喺香港 ~
本來諗住再去番泰國 住番 Marriott 但要成 HK$3xxx 一晚呀 點住呀 咁諗住跟團去越南啦 5 日 4 夜要 $9000 仲要夜機去早機返 咪得 3 日 平時去只不過係 $3xxx 咋 又唔駛去啦 好喇 終於揀咗去台中自遊行 我 target 係每人 HK$7000 打去旅行社熱線 問哂資料 計埋哂所有附加費 都係 $5500 咁我覺得 ok 放工即時去旅行社報名啦 點知職員話機位每個加 $4000 呀 所以總數係每人 $9000 仲要話得 2 個機位 要我即刻決定 我唔去啦 第一 over buget 第二我唔鍾意咁趕決定一件事囉 ~
見里奧大人咁想去旅行 咁睇下大陸長線團 東北 8 天團啦 都係 HK$8xxx 但好凍囉 又要買裝備 無理由着波鞋去嘛 凍薑都似 買呢買 lu 又係錢 之後又着唔番喎 咁又唔去啦 緬甸又貴 好似 5 日 4 夜 但未加附加費都要 $7xxx 加埋咪 $10000 咁我仲更加唔會去 因為 $10000 喺平日去 我可以去 2 次泰國啦 雖然緬甸同泰國玩法唔同 不過我覺得都係可以去 2 次旅行好 d ~
里奧大人純粹想影下相啫 咁大陸最多景啦 所以佢自己上網睇資料囉 見到去丹霞山 3 天遊 咁第日即報名啦 不過未成團架 所以我話最壞打算就自己去珠海澳門囉 ~
果然不出所料係唔成團 旅行社職員建議另一個團 都係丹霞山嘅 但就初六出發 咁無問題啦 最緊要有得去啫 ~
其實好感恩 病完先去旅行 唔係真係去又唔係 唔去又浪費咯 ~
3 日 2 夜嘅旅遊真係好快過 我真係好怕坐咁耐船同車囉 但呢程最開心係坐到高鐵呢 ~
和諧號
時速 300 km
" 被列入為世界地質公園的丹霞山風景區 丹霞山被列入為嶺南第一奇山 其山石由紅砂礫岩構成 以赤壁丹崖為特色 景區內大少石峰 石牆 石柱 680 多座 座座造型奇絕 似人似物 似禽似獸 令人驚嘆大自然造物的奇妙 而有天下第一奇石的陽元石 其鬼斧神工 奇特有趣的外型 保證令您發出會心的微笑 " 又寫得無錯噃 親眼見到真係覺得好震撼 但可惜天氣比較灰灰濛濛 唔係就睇得更加清楚呢 最感恩係無落雨 如果唔係咩都影唔到 同埋會超級凍呀 哈 所以其實呢個地方都係值得去嘅 ~
丹霞山 - 我其實覺得好似幾架船咁呢
陽元石
其實呢個 trip 嘅住同食都 ok 啦 因為我唔會抱任何期望嘛 同埋感恩領隊 導遊同團友都好好 無人遲到 唔駛等人真係差好遠架 ~
@ 韶關麗宮國際旅遊度假區
呢碟係梅菜茄子 但其實每餐都有炒茄子 我個人認為喺大陸食蔬菜係最穩陣 哈
我真係好怕 d 大陸人 鍾意點就點咁 唔守規矩 周圍都烏粗邋塌 太唔衛生喇 同埋綠草如茵嘅地方 佢地都要食住煙黎行嘅 嚴重影響人呀 ~
今次旅行唯一一樣嘢令我擔心嘅就係媽咪入咗院 但仍都好感恩家姐放假 幫我餵魚之餘 呢 3 日又可以早晚睇媽咪 之後會打比我講媽咪情況 咁我會放心好多嘛 而呢 3 日最開心呢 就係里奧大人無收到任何公司電話 又無帶電腦 check email 真係純粹去 hea 狂影相 咁先係嘛 去玩都掛住公司嘢 大把時間妳掛啦 好好享受自己放假嘅時間嘛 ~
訂閱:
發佈留言 (Atom)
沒有留言:
發佈留言