別府 @ 九龍灣 ( 13-FEB-2013 年初四 )

三文魚溫泉蛋沙律


鮮帶子壽司 / 吞拿魚壽司 / 三文魚壽司

豬軟骨拉麵


鬼石坊主地獄拉麵 ( 6 辣 ) - 家姐話一 d 都唔辣 @.@


飯團 ( 鮭 )

( 13-FEB-2013  WED )

今朝 7 點幾電話響   都知唔好嘢   真係平安鐘打黎話媽咪促入院   不過我聽完電話之後   都黎唔切擔心已經瞓着咗喇   鬼咩   我都自身難保呀 ~

11 點幾起身之後打番比平安鐘   好在媽咪已經上房   因為之前試過等好耐   之後打比家姐   原來家姐今朝想同媽咪飲茶   但工人話媽咪要入醫院   所以家姐陪埋媽咪呢   感恩感恩 ~

今朝有 d 胃口   同里奧大人講話想飲茶   所以佢陪我去飲茶喇   佢想去 Mega Box   不過我話唔好喇   近近地海寶算喇   但唔知係咪新年關係   同平時食嘅水準完全唔同嘅 ~

鮮蝦菜苗餃

四寶滑雞扎

炸菜牛肉腸粉

干蒸牛肉賣

豆沙水晶包

食完嘢   精神都好 d   所以沖埋涼就熨衫   之後燙燙下有 d 攰   叫里奧大人埋尾   我就抖抖 lu ~

仲係有燒   extra panadol 真係唔係咁有效   要食番普通 panadol 先得   唉   真係有 d 驚架   好小兩日仲發燒   平時食完退燒藥就好快無事家嘛   後日又去旅行   一陣唔比入境就煩   里奧大人唔比我探媽咪   唔想我惹到媽咪呀   所以里奧大人做代表喇 ~

原來今次媽咪比較嚴重   要帶豬咀   平時就咁貓鬚架咋   但感恩夜晚情況好好多喇   無咁喘   之後家姐問里奧大人   點解我咁冷靜   里奧大人就答家姐   我都病到溫溫燉燉   同埋我唔知媽咪係帶豬咀呀 ~

佢地探完媽咪就一齊去別府食嘢喇   食完就各自歸家休息呢 ~