凍凍凍 ♡ 武廣高鐵韶關丹霞山 3 天遊 Day 2 ( 16-FEB-2013 ) Part 2/2

繼續行程  Part 2  ( 16-FEB-2013  SAT )

抖陣又去睇陽元石喇   又係行幾百級樓梯   好攰呀   不過無理由唔行嘛   之前喺丹霞山已經抖咗無行   里奧大人又迫住要陪我   佢都無行呀    咁其實行樓梯都 ok   最緊要條樓梯唔好太直   我真係好驚囉 ~

去睇陽元石喇

遠處已經望到

領隊話有人問佢可唔可以摸到喎   咩人都有   摸到又點呢下 ?!

領隊幫呢位阿姨買批咗皮嘅馬蹄   RMB5/包   好大粒又白雪雪   好清甜添呀   不過我無食

離遠睇呢 3 個人動作一致   其實佢地係 4 個人   其中一個係小朋友   原來個小朋友 vv   陪扮屙 vv ?!   經典 @.@

之後同領隊一齊行   佢都係影相發燒友   所以里奧大人同佢好好傾啦   一路行一路傾   感覺無咁辛苦   因為我覺得自己今日真係行咗好多路咁呀 ~

又見到啦

陽元石簡介

行上 d 睇得清楚 d 喎

唔知係咪新年關係   度度都有好多柑皮   最搞笑係掃地嘅人見到咁多柑皮   第一句就彈 " 他媽的 "   又真係好離譜喎   無 d 公德心 ~

再行上 d   直線望到陽元石呀   其實唔行又無咩嘢做   所以咪行囉   其實我覺得似行山多 d 囉 @.@

Last one   哈

睇到 d 咩 ?!

2 個馬騮樣呀


終於睇哂丹霞山同陽元石喇   任務完成   呢日起碼行咗 3000 級樓梯   對腳斷咁滯 ~

行埋個市集就走人喇   買咗 RMB15 嘅烘蕃薯干   脆卜卜超好味呀 ~

市集 ?!

走地雞 ?!

新鮮整嘅芝麻糖   不過唔鍾意 d 味道

烘黃蕃薯干 / 紫蕃薯干 ( RMB15 )

食完飯就去酒店 Check-in   我同另外 2 個 party 住悅軒大酒店   其他住華美達   一睇就知悅軒唔掂   因為坐的士步行街要 15 分鐘   即係唔近市中心   之後問團友係咪因為改團   所以先住呢間   原來唔係   係有得比我地揀嘅   但叫我地改團個人話得呢一個團嘛   激氣 ~

食店名話妳知   呢個地方一定唔會喺市中心呢

又係雞

蓮藕煲 - 熱辣辣   食完好暖

青椒炒牛肉 ?! - d 汁好味道

青椒炒茄子 - 清得黎又惹味   哈

鮮淮山煲 - 我幾鍾意食鮮淮山

芋頭扣肉 - 好味呀

蒸鯇魚 - 驚

桔仔 - 好甜呀

我地跟車到華美達   之後同里奧大人一齊去行下步行街   無咩好行   又唔敢周圍食嘢   飲咗杯蔗汁咋   之後打的番酒店 lu ~

周六福 ?! 又黎 Crossover

都幾多人行   因為導遊話韶關無咩嘢行   所以好多人都係去 " 步行街 " 行呢

班尼路   唔睇真係唔知係 Baleno 呀   叫里奧大人快快趣影   影到呢張相好似佢地 kiss 咁

夜晚嘅風釆樓靚好多呢   影完就打的番酒店 lu


間房 ok 啦

小梳化

番到酒店都只係 9 點   所以沖埋涼就睇套戲先瞓   幾咁 hea 呀   同埋呢 2 日都無上網   d 感覺又幾舒服喎 ~

呢日行程完畢