明輝 ( 外賣 ) @ 屋企 ( 12-FEB-2013 年初三 )

( 12-FEB-2013  TUE )

尋晚燒到個人好攰   最慘係燒到 d 骨好鬼痛呀   里奧大人就每隔幾個鐘就拎粒 Panadol 比我食   要我飲哂杯水   之後我再瞓   我郁一郁呢   里奧大人就問我係咪凍呀  係咪熱呀咁   之後又摸下我仲有無燒   佢肯定成晚無瞓過呀 ~

點食退燒藥都仲係 39.8 度   所以里奧大人 9 點鐘即刻打去診所掛號   最快都要 12 點呀   所以繼續瞓呢 ~

呢間診所嘅醫生真係麻麻地架咋   但無計啦   睇開果個放假   所以一去到成間診所 full 哂   奇境呀   我會用 "執死雞" 形容 ~

今次係扁桃線發炎   醫生話成因係夜瞓同食熱氣嘢   咁佢都講得啱嘅   呢排比較夜瞓   同埋我年初一其實 feel 到有 d 唔舒服   好似特別攰咁   不過無理到   照食薯片   最邪係里奧大人問我屋企有咩零食唔熱氣   我話妳食辣又得   食薯片又驚   佢話食薯片好易喉嚨痛   我話我唔會   點知開口中   係咪咁邪先 ~

睇完醫生又番屋企瞓瞓喇   差唔多 8 點有 d 餓   勁想食魚蛋   所以叫里奧大人買番屋企食   食魚蛋唔落辣椒油   真係完全唔好味   不過里奧大人昅到實   唔會有落手嘅機會呢 ~

食完又瞓喇   真係好鬼攰   同埋仲未退燒   所以都係瞓多 d 好 d ~