西貢半天遊 + 海港酒家 @ 將軍澳中心 ( 23-FEB-2013 )

漁香海鮮燒豆腐煲 - 黎緊 10 年都應該會食呢個餸 @.@

鮮果咕嚕黑豚肉 - 我叫架   要叫 d 佢地眼中所謂嘅新嘢
 

四川口水雞 - 一日有呢個餸   一日都會叫呢 @.@

上湯腐竹菜心苗 - 呢個都係 10 年不變 @.@


滷水掌翼 - 我叫架   不過唔好食   同埋居然無人食   唔通真係要次次叫同一樣嘢先食 @.@

意式煙鴨胸 - 佢地叫架   唔知之後會唔會再出現呢 ^^

竹蔗茅根

紅豆沙 - 我同里奧大人都覺得苦   但姑奶佢地話唔係苦喎 @.@

( 23-FEB-2013  SAT )

今朝瞓到 8 點 15 分先起身呀   8 卦 8 點半打黎約我食早餐   不過我唔去啦   我仲喺屋企   點趕得切喎   我去到佢肯定已經食完   我唔想又要好趕好趕咁食囉 ~  

早餐食麵餐   唔好食嘅 ~

阿 head 無番   超級 feel 呀   勁 load 相   d 時間過得幾咁快呀   load 完都 12 點 45 分   坐多陣可以放工 ~

里奧大人唔駛做公司嘢   所以想陪我出去行下   咁我就話去西貢啦   因為想食泰國菜呀 ~

一齊喺德福坐 van 入西貢   去到都差唔多 2 點幾   超級勁餓呀 ~

去泰旺特食   原來里奧大人之前同朋友黎過   雖然我地 2 點幾先食    諗住無咩人   不過估唔到都好多人入黎食   味道真係唔錯嘅   最緊要又唔嘈嘛 ~  

泰式拚盤 ( 春卷 / 魚餅 / 沙爹 / 蝦餅 ) ( $140 ) - 好巨呀   都幾好食嘅   新鮮熱辣嘛   但件件都好巨   最後食唔哂 d 魚餅同春卷  


蝦餅 - 唔係太彈牙噃 

沙爹 - 沙爹汁唔夠惹味   唔係就更加好味呢

魚餅 - 加咗 d 咩香草呢   泰式魚餅實會有嘅香草   但我唔太鍾意

春卷 - 新鮮炸起實好味   不過我唔係咁鍾意係芋頭絲   哈  

泰式海南雞飯 ( $50 ) - 為咗個汁先食咋   但我都係鍾意馬來西亞嘅燒魚汁多 d

冬蔭海鮮 - 細 ( $70 ) - 酸辣適中   好味道

椰青 ( $30 ) - 好清甜   難得難得


影呀影 ^^

突然間好鍾意呢幅象

門口

食到好鬼飽呀   一定要行下   周圍行周圍影下相咁囉   難得里奧大人得閒   又咁好天   唔想咁快走 ~

我覺得塗鴉好靚


唱 n 年前嘅時代曲架   估佢唔到   因為我多數喺鬼節期間先見到呢 d 棚架   所以無為意係 for 元宵節呢

狗醫生   好乖架   不過金毛不嬲都好乖好純呢   但我都唔敢摸   我好驚大狗   哈  

我一望舊雲   覺得好似一隻鷹   之後真係有隻鷹出現呀
 

好整齊

鏡頭一轉   好鬼亂 


陽光普照

大墨魚 @.@ 

大鮑魚   我第一次見咋   同我塊臉一樣大 @.@

象拔蚌   又係好大條   好恐怖   不過我鍾意食架 ^^


好多唔同色嘅大蝦

螢光魷魚

合照 ^^

行行下條巷   發覺有間旺泰   咁應該係我本來想去果間   因為導遊話喺巷仔入面嘛   同埋同事話 van 仔總站落車就見到條巷   但我地落車行咗另一個方向   唔係望住條巷囉   咁唯有等下次再試巷仔呢間啦 ~

買埋珍珠奶茶就走喇   坐 van 去新都城行下 ~ 

呢期超勁想飲珍珠奶茶   離遠見到仲寫住 Buy 1 Get 1   咁我見到就即刻同里奧大人講話買黎飲   點知去到其實係 Buy 8 Get 1   唔係 Buy 1 Get 1   真係唔知自己睇咩 @.@   最慘係間珍珠奶茶極度難飲   無咩嘅   里奧大人飲果杯薄荷珍珠   完全無薄荷味添呀 


van 仔總站

去到新都城   經過 City'store 買咗 2 個污衣籃就走喇   因為要去將中同姑奶食飯    之前由新都城去將中坐 shuttle 係唔駛錢架   依家要有購物收據先可以上車   好在我地咁啱有買嘢咋   如果唔係真係唔會特登去新都城囉 ~

又係去海港   7 點食到 9 點   特登去將中   係因為想請姑奶食生日飯   點知佢靜靜雞比咗錢 ~ 

本來諗住去商場洗手間   不過頭先講咗鬼怪嘢   所以我唔敢去呀   要上去姑奶屋企呢 ~

傾咗陣就番屋企喇   沖埋涼又睇下雜誌   拆埋利是   又 12 點喇   要瞓 lu ~