團年飯 @ Ruby Tuesday (九龍灣) ( 2-FEB-2013 )

Beef Lasagna ($198) - 我鍾意食㗎   好想自己整   不過應該無佢咁好食   哈哈

Garlic Bread 次次食都好好味呢

Triple Play ($298) - 樣樣有啲咁囉  

Side Dish 西班牙豬脾肉 (Special Today $38) - 好有豬味   不過我唔太接受到
Smoothie Raspberry (Megasize $128) - 半價抵嘛

Salad Add - 媽咪想食粟米

Chocolate Talkcake ($128) - 為咗呢個 Cake 先嚟食咋   非常之黑色嘅 Brownies   整到咁就好咯   呵呵

( 2-FEB-2013  SAT )

今朝 Shopping 完就食早餐   因為有煩嘢搞   所以 9 點半就番到菇場   點知原來唔駛搞單煩嘢   之得唔咁趕啦 ~

又係差唔多臨放工先有嘢做   係咪咁邪呀 ~

放工約咗里奧大人坐 2A 出旺角   我到咗巴士站先叫佢上車   如果唔係佢實早過我呢 ~

要去花墟買花   所以去埋太子嘅大記攦粉食 Lunch   食到級勁飽 ~  

韭菜餃攦粉 (酸辣湯底) - 唔係我想像中嘅酸辣湯味   不過我覺湯底無咩味   但其實我最主要係想食韭菜餃   呢期好想食

鮮炸墨魚卷攦粉 (酸辣湯底) - 新鮮炸起好味道   好彈牙

小食拚盤 (鮮炸魚片頭 / 鮮炸順德魚腐 / 鮮炸蝦卷 / 鮮炸墨魚卷) - 炸魚片頭正   彈牙添呀   最緊要唔腥   呢碟拚盤炸出嚟係金黃色   我即諗起文記   文記係深啡色   所以啲油都唔知翻用過幾多次 lu     

煎芋頭糕 / 煎蘿蔔糕 - 好足料   就係食完之後就覺得超級超級超級勁飽囉

諗住去花墟買水種植物同風信子   多人到呢   同埋好多都買賀年花   我無乜興趣   諗住放棄嘅時候   里奧大人話繼續行啦   反正到喇   好感恩真係有呀   原來又係繽紛   無處不在 ~  

買完再去番大記買糕點就坐地鐵番屋企喇   好攰呀 ~

番到屋企   我就分糕點比媽咪同家姐   里奧大人就插花   之後瞓咗陣   就比工廠同事打黎嘈醒   咁都唔瞓啦   6 點出門口嘛   Book 咗 6 點半 Ruby Tuesday 呢 ~

鬱金香 ($85) / 千日紅 ($25) / 利是 (送的)

士多啤梨 ( $50 ) - 粉嶺農場自家種   有甜有酸啦   不過就真係好香士多啤梨味呢

忌廉南瓜糕 (好味) / 薑汁蕃薯糕 - 好硬呀

椰汁糕 - 幾香椰汁味 ) / 綠豆糕 - 多豆

綠豆糕 / 紅豆糕 / 杞子圓肉糕 / 芝麻糕

乾桂花 ($48)

依家 Ruby 只可以食個半鐘   其實時間真係唔太夠囉   所以佢哋上菜特別快   Order 完傾幾句就有嘢食   如果叫芝士嘢就煩啦   要急急食   因為凍咗好難食嘛   今次我哋好有策略   唔好叫咁多   因為一定要食 Chocolate Talkcake 呢   5 個人食最好啦   不過食完個個都超級勁飽囉 ~

同媽咪行下商場   話買個袋同衫比我同家姐喎   令我覺得好似細個陪媽咪行街咁呀   不過我哋依家大啦   都唔需要媽咪買嘢比我哋   我哋買番比佢就差唔多 ~

送埋媽咪搭的士   之後去 Body Shop 買 2 枝細香水 ($99/30ml)   再送埋家姐搭巴士   我哋就番屋企 lu ~