今朝 8 點 morning call 但 10 點先集合 可以他他條條落去食早餐 點知去到餐廳 簡直晴天霹靂 完全接受唔到呀 不過都要照食啦 唔係無嘢食囉 ~
炒河粉加豆辣醬都好味 但實在太油喇 腸粉好鞋 後面紅色果 2 粒係腸 口感完全唔似腸 好驚呀 唔知點解 我成日一食咗 d 唔知咩肉 就驚係狗肉囉 @.@
天氣凍呀 要食白粥取暖 粟米超乾又無味呀 @.@ 經此一役 日後再有機會去大陸 一定要買杯麵 咁就唔會餓親呢
2 煲
得 5 樣食物咋 @.@ 好似仲有饅頭同蕃薯
快快趣食完就走喇 番上房可以睇多套戲 天氣凍 真係一捲入被窩就好想瞓呢 ~
10 點 10 分開車喇 去完華美達接其他團友之後就去食飯喇 11 點咁早 點食飯喎 根本食唔落啦 領隊勁呀 再三強調話呢餐係最有 "特色" 嘅一餐 一聽就知咩事啦 不過都無辦法嘅 因為驚塞車 所以早 d 食 如果趕唔到搭船仲煩呀 ~
對面 d 屋都貴架
華美達酒店
10:29 am 差唔多到酒樓喇 @.@
酒樓大門口
室內凍過室外
炸腐皮卷 - 好耐無食炸嘢 覺得好好味
炸魚仔 - woo 好好味呀又 實在太香口喇 不過唔敢食咁多 因為里奧大人昅實 一夾咋 就話唔好食咁多
豬腳仔 - 無食呀 但賣相超勁恐怖 好似人地食剩咁
雞煲 - 無食呀
腐竹雲耳 - 無厘味道咁 哈哈
唔知咩羹 - 無食呀
梅菜茄子 ?! - 個汁甜甜地好味呀
蒸鯇魚 - 見埋呢餐 唔駛再見
炒椰菜 - 其實餐餐都有椰菜 不過 d 人夾得太快 所以無影 我同里奧大人講 真係唔知佢地大食 定我地細食 佢地真係由頭食到尾架喎 一樣餸夾幾次 同埋次次都會再添飯咁呢
坐咗 2 個鐘頭車 真係腰骨痛 之後去到加油站 有半個鐘頭落車行行 我地就去麥當勞食嘢抖陣喇 ~
真係好多車 - 所以真係好感激領隊改行程 唔係真係半夜先番到香港咯
加油站
Big Mac @ 麥當勞 - 無張紙包住個包架 最離奇 d 人拎住個包一路行一路食 所以個地下係好烏糟呢
呢日未完架
沒有留言:
發佈留言