開車去酒店喇 今晚住 韶關麗宮國際旅遊度假區 有得浸溫泉架 不過我地無浸 我驚污糟 ~
落車 到酒店門口喇 d 酒店人員着白色長袍架 第 1 次見 唔知以為係醫生 @.@
韶關麗宮國際旅遊度假區
酒店大堂係無關門架 所以食正風位 好鬼凍
今日天氣 9-10 度
好多自駕遊 = 好多人 @.@
風水魚
都唔錯 叫做乾淨 不過好奇怪係地板 唔係地毯
框框框
離遠見到張吊椅好開心架 勁想坐添 不過當妳見到嘅時候 妳就會。。。。
房間望出去 個境唔錯架喇 有山有水 哈哈
見到有人 "浪" d 衫喺露台 濕凍喎 會乾咩 ?!
丫 去到大陸真係發覺無奇不有 酒店大堂有個小型噴水池 有個女人居然用黎洗手 咩人黎架 咁之後安排上房啦 見到成堆人企喺路中心 原來係叫服務員比洗頭水梘液 但佢地好似想搶咁囉 8 個人包住架車 之後我地入房啦 佢地鬼殺咁嘈 妳聽得出係房頭大聲叫到房尾呀 真係人都顛 所以我同里奧大人講 下次情願比多小小錢 都唔去大陸玩呀 估唔到里奧大人都係咁諗 大陸有幾靚嘅景都無用 d 人嘅質素真係好唔掂 完完全全影響哂去旅行好開心嘅 mood ~
6 點食中式自助餐 無奢望食物會有水準 最緊要係熟就得架喇 但實在太凍 我主要係食白粥取暖添呀 ~
天氣勁凍呀 要有 d 米氣 所以食黃蘿蔔壽司 又好味喎 蓮藕片辣辣地都唔錯
黑椒牛仔肉好味呀
白粥 + 辣菜甫 食完之後 從此愛上呢個配搭呀
炸芋泥丸 ?! 里奧大人拎架 佢食咗啖話好煙韌 所以比我食哂
餐廳都好闊落架
8 點睇神話瑤族歌舞表演 ( RMB88/人 ) 勁喇 計埋我同里奧大人 全場觀眾得 6 個人咋 台上表演者就有 9 個人呢 哈 我幾鍾意睇 d 民族表演架 支持下嘛 本來係 70 分鐘 但 45 分鐘就做完 因為其中有 Part 係要同觀眾互動 但實在太小觀眾 所以取消咗囉 ~
韶關真係好凍好凍 濕凍最攞命 真係凍到連涼都唔想沖呀 沖完之後即捲入被窩 但一樣咁凍 開咗暖氣都無用 ~
頭先同領隊訂咗隻靈芝走地雞 ( RMB80 ) 但差唔多 10 點先送到黎 真係差 d 瞓着呀 其實無咩特別好食架 不過想咩都試下咁啫 ~
靈芝走地雞 - 有個膠袋裝住 d 熱辣辣嘅靈芝湯汁 不過好鹹
隻雞唔係好大隻 不過都食唔哂
呢兩支西藏冰川礦泉水 飲完會容光煥發呢
食完都 11 點幾喇 聽朝 6 點半 morning call 好有去旅行 feel 呀 不過真係未黎消化哂 就要瞓喇 ~
呢日行程完畢
沒有留言:
發佈留言