PART 1/2 西貢半天遊 ( 13-APR-2013 )

( 13-APR-2013  SAT )

今日每月一 off 呀   里奧大人約咗姑奶 10 點食早餐   其實我唔鍾意假期約人   因為我鍾意瞓到自然醒嘛   不過呢日 8 點 45 分都醒一醒咗   所以開機洗衫   之後瞓到 9 點 45 分就要起身喇 ~

去金姆指食早餐   食下傾下都 11 點 lu   之後里奧大人同姑奶上屋企整 Ipad   我就去睇中醫喇   醫師一打脈就話我好熱氣   咁又係喎   尋晚食好多炸嘢呀   同埋呢排唔知做咩瞓得唔好   又貧血   真係想懶 d 唔調理身體都唔得呢 ~

差唔多 12 點先番到屋企呀   即沖涼喇   里奧大人勁想同我去街   不過又諗唔到去邊   咁我話去西貢   因為難得好天呀   感恩感恩 ~  

去埋旅行社交錢就坐 van 仔去西貢   今次等咗成 15 分鐘先有車   唔塞車嘅話   車程都係 25 分鐘   都唔算遠   間唔中去下 relax 都唔錯 ~

今次一定要去番巷仔嘅 "旺泰" 呀   佢有 2 個舖位可以坐室內   雖然有冷氣   不過我見到 d 座位好貼近洗手間   所以我坐巷仔   同埋天氣又清涼   坐巷仔都好舒服呢   勁有上次去翟道翟 feel 呀 ~

脆肉炒椰菜苗 ($58) - 椰菜苗生咗 d   唔係更好食   不過 d 脆豬肉真係超過正   塊皮脆卜卜架   下次會就咁叫碟脆豬肉   實在太好味喇

唔小脆豬肉呢   見到 d 皮已經超級開心

串燒各 $11 - 雞全翼 + 雞腎 + 牛肉 - 無咩特別   只係好想食串燒啫

清湯牛丸金邊粉 ($32) - 里奧大人生痱滋   所以要清湯底   不過我無所謂   因為我智加辣椒粉呢   但下次就會叫冬蔭功湯底喇

橙色辣醬好辣好辣 @.@   啱哂家姐


大大個招牌

@ 巷仔
                      

里奧大人生痱滋   唔係可以陪我食炸嘢同辣嘢   下次一定要叫埋家姐黎   可以叫多 d   幫手食嘢呀 ~ 

辣汁魚蛋 + 粉果 - 個辣汁勁正   唔係太辣   但好香呀   下次要再食 ^^

食完又行去碼頭   周圍影下相   之後睇下有咩船出島   因為之前想去地質公園   不過無時間   同埋要百幾蚊一個人   好似好貴   因為跟團都係差唔多價錢嘛   所以今次又黎睇下   但今次有好多檔開船去地質公園   上次得 2 間咋喎   咁奇怪嘅 ~

風和日麗   感恩感恩 ^^

里奧大人影嘅   佢話個爸爸教緊個仔   個仔又好留心聽   不過睇呢個小朋友個樣都好乖咁呢  

碼頭

拆海膽

多到呢 

密密拆

因為 d 海鮮咁巨

所以要用咁巨嘅刀   但把刀生哂锈 @.@

好多人圍住碼頭


我第一次見架咋   所以覺得好有新鮮感   比着要我成日坐喺船   頭暈暈都似呀  哈 

有生意   即包好比客人

小心翼翼爬梯

坐定定收錢

偷得浮生半日"浮"   唔通今日賺夠 ?!?!   唔係就嗌下兜生意嘛   嘩哈

hey man   唔係望海呀   係望下有無人買嘢呀

釣到魚 ?!

有生意即洗手  

快手起魚鱗

我地食完嘢都 3 點   有檔係 3 點 35 分開嘅   環島遊 1 個半鐘 ($88)   不過最後都係跟另一間環島遊 ($50)   佢有環島遊同埋橋咀島   咁我地本身係買環島遊票嘅   全程個半鐘   又可以上岸影下相   但最遲 5 點要上船番碼頭   但架船 3 點半都未到   都唔知要等幾耐   所以就咁去橋咀島 ($20) 算喇   下次先環島遊 ~



我地跟呢間