4 日假期眨眨眼就完 lu 不過今日星期二都好 好似番小一日咁嘛 同埋番埋聽日又放清明 好似好多假放咁 唔錯唔錯 ~
早餐食芝腿治烘底 我食哂嘅時侯 隔離枱阿伯就用紙巾抹枱 將 d 麵包碎向我果邊掃 我已經望住佢 唔好咁自私嘛 之後就將張紙巾掉去我對面 人地食完個湯碗度呀 幾驚彈咗 d 湯出黎呀 頂佢 我即刻啤住佢啦 大佬 我杯咖啡仲未飲架 衰格 ~
阿 head 無番 我做埋小小嘢就 free time 喇 ~
有 lunch box 呢排最好帶 lunch box 因為依家好多時都落雨 好煩呢 ~
放工去牛頭角拎中藥 之後就番屋企啦 里奧大人又上咗大陸 又唔知幾點放工 我都唔買餸喇 就咁煮麵算 最緊要方便 ~
雖然天氣潮濕 但都忍唔住拖地呀 開機洗衫之後就抖半個鐘 抖完就煮嘢食喇 早 d 食早 d 沖涼早 d 休息 ~
是日懶餐 - 龍蝦丸冬蔭功麵 + 青紅蘿蔔粟米豬橫脷湯
龍蝦丸冬蔭功麵 - 諗住淥西刀魚丸 點知一開冰格就見到之前食剩嘅幾粒龍蝦丸 咁淥埋去啦 唔係又唔記得食架喇 第 1 次食呢款麵 估唔到好味道呀 麵嘅質地好似福字麵 冬蔭公湯底又酸酸辣辣 正呀 下次去泰國一定要入番 2 箱慢慢嘆呢 ~
青紅蘿蔔粟米豬橫脷湯 - 尋晚家姐拎黎都無飲 咁今晚就飲埋去喇 ~
里奧大人 9 點幾先番到屋企 我就煮西刀魚冬蔭功麵比佢食 個麵份量其實好細 所以我煮 2 個比佢 咁先夠飽 之後佢做完公司嘢就食雪糕批 食完又話滯 依樣果樣 話要飲包石榴汁消滯喎 仲問我食唔食 飲唔飲 我話唔啦 刷咗牙唔想再食嘢飲嘢呀 ~
沒有留言:
發佈留言