( 4-APR-2013 THU )
今日係清明節假期 所以又可以瞓到自然醒 不過瞓到 9 點半都醒咗 lu ~
里奧大人話去 Mega Box 飲茶 因為今日陪唔到我 咁陪下我去飲茶 hea 下喎 ~
咁即刻沖涼洗頭出發喇 坐 van 仔過去最好 因為行去又遠 坐的士又貴 shuttle bus 又唔知等幾耐 早餐未食都無力行啦 所以 坐 van 仔係最好嘅選擇 ~
本來想去潮宮 不過入面無人食嘅 所以去番御苑皇宴喇 ~
杞子上湯鮮竹卷 - 估唔到係齋鮮竹卷 我鍾意食呀
潮州蒸粉果 - 皮薄餡靚 皮夠煙韌 料又幾多 又無咩肥豬肉 正呀
蟹子燒賣皇 - 幾好味喎 無豬味 哈
安蝦鹹水角 - 新鮮炸起 好味到呢
家鄉煎薄撐 - 都 ok 架 不過太飽肚喇 下次都係唔叫好 d
古法馬拉糕 - ok 啦 對飽肚食咩無咩興趣 ^^
個名好得意 ^^
飲完都 12 點 又周圍行下啦 去大眾睇下書 估唔到有得坐添喎 勁有誠品 feel 最正係無咩人嘛 ~
之後去 Sinomax 買 Candy Neck Cushion $278 再有 8 折 抵呀 之後里奧大人再買羽絨枕頭 $199 咋 再去埋十蚊店買樽就走 lu 個商場好鬼焗呀 非走不可 ~
坐 shuttle bus 去德福 去到都差唔多 2 點 去埋旅行社問資料就去 food court 食嘢 我就買 KFC 番屋企食 ~
KFC tea set ( 家鄉雞下脾茶餐 ) $19.9 咋 抵食 因為食完好飽 話時話 點解會係雞全翼嘅 @.@
里奧大人瞓晏覺 我就睇電視 睇睇下都瞓着 瞓咗半個鐘都有添呀 其實仲想瞓 不過唔喇 費事夜晚瞓唔到仲慘 ~
6 點開始煮飯 估唔到 7 點半先食得 ~
是日懶餐 - 蜜汁叉燒 + 蔥粒炒飯 + 瑤柱粟米蛋花湯
蜜汁叉燒 - 下次真係唔好怕肥 要買肥嘅枚頭 咁樣焗出黎無咁乾呀 ~
蔥粒炒飯 - 之前買咗 $2 蔥 用黎炒飯真係好正 ~
瑤柱粟米蛋花湯 - 都懶得買菜 開罐粟米湯算 lu ~
搞掂哂所有嘢就沖涼 之後就沖涼休息喇 ~
沒有留言:
發佈留言