Green Monday 寶光齋素菜館 @ 官塘 ( 15-APR-2013 )

齋滷味 ( 細 ) 酸齋 / 齋鴨腎 / 蠔油齋 / 咖哩齋 - 估唔到係熱辣辣   不過應該係叮熱   齋鴨腎勁好味   辣辣地咁架   其他 ok 啦

溫公齋煲 - 又話有南乳味   都無嘅 @.@

干炒伊麵 - 里奧大人諗唔到食咩   所以就叫干燒伊麵喇   都幾好味

( 15-APR-2013  MON )

又到星期一   新嘅開始啦   今日算有陽光   但好多煙霞   不過要好好珍惜埋今日嘅陽光啦   聽日又開始唔好天 lu ~

早餐食芝蛋治烘底 + 凍咖啡   次次飲凍咖啡都精神 d 架   不過就唔可以成日飲   朝早飲凍嘢唔好呢 ~

菇場忙咗陣就得 lunch 喇   今朝實在太飽   所以 1 點半先食麥皮   仲要沖到稀稀地   咁無咁飽之餘又唔會餓嘛 ~

同事問我得唔得閒   想比嘢我做   咁我都無所謂   因為真係太得閒喇   3 點半開始做   做到放工都未完   聽日再做過   時間過得幾咁快呀   爽 ~

里奧大人今日 4 點喺官塘見客   咁我今日 Green Monday   所以約佢食齋   我放工拎完中藥就 join 佢一齊行去齋舖喇 ~

行行下發現有個中年女人同阿叔打眼色   咁我以為佢地係兩公婆   但之後個男人無理佢   即係唔係兩公婆啦   咁我覺得個女人似企街兜生意   咁我行快兩步睇下佢啦   見到佢件衫低到呢   好明顯係咩啦   之後佢又向阿伯單眼打眼色   阿伯又無理佢   咁多人經過   點會跟妳走呀   乜依家官塘變成咁架 ~  

一入齋舖   個人感覺其實真係唔太舒服   我好驚聽 d 佛歌   不過我真係好想食齋   所以都坐低食   好在隔離係電視   再加埋我不斷同里奧大人講嘢   分散 d 注意力   但呢餐真係要食得快   因為好想食完快 d 走 ~

走咗之後   里奧大人同我講話無翻單   不過我都唔會再去架喇   感覺唔舒服   之後原本佢話一入到去聞到好大陣 "up" 味   不過見我好想食   所以無講   oh   我聞唔到喎   如果我聞到我都會即走   我咪話佢囉   即場講嘛   最多咪轉場去食上海菜   唔食肉好易啫 ~

去官塘有樣好   就係可以坐 van 仔番屋企   我真係好唔鍾意搭地鐵呢 ~