沙茶醬牛仔骨 + 蔥蒜油麥菜 ( 16-APR-2013 )

( 16-APR-2013  TUE )

雖然無落雨   但好多煙霞   空氣好差咁呀   同埋又潮濕   又要開抽濕機喇 ~

早餐食沙爹牛肉餐肉米粉   食完超級飽   唔知係咪因為啖啖肉呢 ~  

菇場忙呀   因為幫另一 dept 對數   對到天昏地暗   所以覺得好快到 lunch time   食番尋晚食剩嘅干燒伊麵   但喺唔餓嘅情況下食   食完作嘔呀   要飲熱茶   食柑桔   搽平安膏   辛苦到呢   差唔多 3 點幾先 ok 咋 ~  

放工去街市買菜   依家 d 菜同瓜又貴哂   但無可能唔食蔬菜嘛   唯有買 d 比較平嘅菜食囉 ~

番到屋企浸菜醃牛仔骨   飲埋杯中藥就拖地   開機洗衫   之後里奧大人話 7 點 15 分放工   咁我都開始煮飯喇 ~

是日晚餐 - 沙茶醬牛仔骨 + 蔥蒜油麥菜

沙茶醬牛仔骨 - 想買中式牛柳醬汁   不過買唔到   所以諗住整黑椒汁   不過原來用哂樽黑椒汁添   靈機一動諗到用沙茶醬   因為反正里奧大人都唔想食鄗嘛   諗起樽沙茶醬   其實我好感恩架   因為我想買好耐   但又驚買咗唔整   咁同家姐傾開計   佢無啦啦話糟糟去台灣   買咗 2 樽沙茶醬佢   咁家姐覺得麻麻地好食   咁我即話我要喇   不過里奧大人都麻麻地鍾意沙茶醬   話唔辣喎   但沙茶醬唔係辣家嘛   咁我下次加隻指天椒落去炒先   到時唔好又話辣 ~  

蔥蒜油麥菜 - 我用煎牛仔骨 d 油炒埋蒜粒同蔥粒   香到呢   好過就咁落油炒呀 ~