稻香超級漁港 @ 德福廣場 ( 14-APR-2014 )

豬骨鍋湯底 

安格斯肥牛 

蝦丸拚墨魚丸 

皇帝菜 

魚麵 

蘋果沙冰 

黑芝麻雪糕 

( 14-APR-2014  MON )

里奧大人本來今朝會陪我食完早餐先見客   不過我起身嘅時候   佢話好攰   想瞓到 8 點半   所以唔同我食早餐   咁我都無咩所謂   之後我沖完涼出黎   佢又話瞓唔着   所以又陪番我食早餐喇 ~

又要做 report 啦   今朝個人不在狀態   所以要 check 好多次先敢 send 出去   搞掂哂都 11 點   之後又有嘢做   所以好快就到 lunch time ~

又唔餓   差唔多 1 點 15 分先食麥片 + 藍莓乳酪   唔知係咪太耐無飲藍莓乳酪   覺得好酸呀   個胃即時有 d 唔舒服   好在抖陣就無事 ~

所有大粒唔喺度   菇場超級靜   好在有 skype   唔係日子唔知點過 ~

里奧大人 4 點幾喺炮台山見完客   咁我勁想打邊爐呀   難得佢咁早嘛   叫佢去稻香等我 ~

我放工即走喇   去到德福都係 5 點 45 分   里奧大人話好餓   叫我去 Panash 買芝士麻糬   以前成日買黎食   因為 $10/4個好抵   依家就加到 $13/4個   好在都一樣咁好食 ~        

呢間稻香要 6 點正先比人入去坐   里奧大人係第一個去到等   勁過 d 阿伯   哈 ~

又無咩人打邊爐喎   里奧大人話咁熱無人打邊爐喎   8 卦又係咁講   咁酒樓有冷氣家嘛   我坐嘅時候覺得凍添啦   所以打邊爐真係絕對無問題囉 ~

之後同里奧大人講   我話突然之間想打邊爐好耐   佢笑住問我   突然又點會好耐呀 ?!   我話其實係我想打邊爐好耐   咁今日突然想起打邊爐咁囉   嘩哈哈   是但啦 ~

食下抖下   8 點就走喇   真係十級飽   所以一定要行商場先番屋企呢 ~

我叫里奧大人自己番屋企先   我就去惠康買薯片   因為我鍾意自己一個人去買零食   佢次次一見到我買嘢食就會打呵欠   影響我買嘢意慾 ~

番到屋企沖涼就休息   里奧大人就做公司嘢   ~ 

我突然間個胃好脹   勁想嘔   唔知係咪頭先飽得滯呢   今晚心計都唔睇喇   11 點即瞓 ~