蕃茄洋蔥豬柳 + 瑤柱燜節瓜 ( 2-APR-2014 )

( 2-APR-2014  WED )

天黑黑又落雨   真係無咩 mood 喇 ~

食完早餐諗住走   點知原來渠王坐喺隔離枱   咁傾多兩句我都走喇   因為無落雨嘛 ~

菇場忙啦   忙到 lunch time   做到個人好攰   雖然落緊雨   不過都出去行下   順便去埋銀行換提款卡同入票   估唔到銀行無人   第一次咁快搞掂呢   之後食牛什米   再行下商場   又買到條洗水 legging   咁都有收穫   實在太開心喇 ~

仍然忙啦   放工都未做完   留番聽日做喇   因為真係好鬼攰囉 ~

唔駛買餸勁開心啦   咁去萬寧買嘢   點知番到上屋企先醒起要買龜苓膏比里奧大人   所以又要落番去買   嗚 ~   

番到屋企即燉肉汁   之後就預備晚餐喇   里奧大人 9 點先放工   所以叫我食先   食完抖陣就沖涼   舒服哂 ~         

是日晚餐 - 蕃茄洋蔥豬柳 + 瑤柱燜節瓜

蕃茄洋蔥豬柳 - 今次買 $15 梅頭   不過都覺得好鬼多   但一樣係 overcook   勁   所以里奧大人話食到好攰   呵呵 ~

瑤柱燜節瓜 - 媽咪之前浸咗 d 瑤柱比我   不過浸得好淋   我真係唔鍾意食囉   所以要快快食埋佢   今次落得多水   所以燜耐咗   d 節瓜好淋呀   慘   里奧大人仲衰   話連節瓜都煮到 overcook   我同佢講話夠未呀   佢話我鍾意聽意見家嘛   所以咪講出黎囉   超 ~

其實依家多數睇 2 集心計   不過依家電視壞壞地   睇到對眼好攰   所以睇 1 集算喇   今日勁攰   10 點 45 分自己瞓先 lu ~