終於食到唔 overcook 嘅牛仔骨喇
辣魷魚 / 辣豬肉 / 牛仔骨 - 都幾入味呢 因為限時關係 所以我拎一大堆先 咁唔駛行黎行去 同埋我最主要食牛之嘛 之後里奧大人話食完先拎 話唔好浪費喎 呢句說話由佢口中講出黎 覺得好好好好笑
牛肉 / 牛扒 / 牛仔骨 / 辣雞翼
三文魚刺身 / 三文魚壽司 - refill 得好快
魚仔好味 但辣蘿蔔完全唔得 口感好怪
仲以為係酸青瓜添 原來唔係
多春魚 - 熟食黎架 里奧大人話以為係生呢 好難得佢話食多春魚 因為我都鍾意食 但無人陪食好無癮嘛 同埋再燒一陣 熱辣辣好鬼正呢 哈
里奧大人知我鍾意食煙韌嘢 所以第一碟就拎呢幾樣嘢 算佢啦
西瓜 / 桂花糕
涼粉 - 里奧大人深信食完涼粉 可以清哂 d 熱氣 哈
雲厘拿雪糕 / 朱古力雪糕 - 我鍾意有碎朱古力粒 有 d 咬口無咁悶
之後我話要再食朱古力雪糕 佢知我大食 係咁將 d 雪糕北到實一實 但我最後食得 1 球咋 因為好凍 凍到後尾枕有 d 痛 所以叫佢幫手食哂去呢
( 5-APR-2014 SAT )
今日係清明節假期 諗住瞓到好晏 估唔到 10 點就自然醒 咁里奧大人問我幾點 我話 10 點 佢竟然唔信 問我係咪睇錯 因為佢 9 點醒咗 抖陣再翻瞓 諗住自己會瞓到 11 點幾喎 大佬 咁都唔好唔信我丫 衰 ~
好在又唔係好攰 依家年紀大 玩一晚要抖好耐先復原架 不過我覺得其實自己未瞓夠 但我唔想浪費個假期囉 難得里奧大人可以放鬆心情出去行下嘛 ~
梳洗完就去食早餐 之後番屋企抖陣就出街 本來我諗住去荃灣 shopping 嘅 但我真係好唔想搭地鐵 同埋唔鍾意搭地鐵焗促嘅感覺 又一頭一尾喎 叫里奧大人不如坐 van 去官塘 再喺官塘坐 van 去荃灣 不過佢話好嘥時間喎 咁我話去銅鑼灣囉 反正想去 GAP 睇下有無平嘢執 ~
奶油厚多 - 我要燶 d 但係我直頭覺得佢無烘過咁呀 如果唔係 d 牛油點會唔溶喎
如果我煎到咁呢 佢實呱呱叫話 overcook overcook 架喇
無味架 我都同里奧大人講過架啦 不過佢點都要自己試 最後要落胡椒粉先食到 呵呵
坐 619 去銅鑼灣 一落車里奧大人就話去南記 佢話佢有 d 餓喎 勁 ~
原來南記裝修咗 d 坐位都闊落咗 但相對 d 嘢食又貴咗呢 ~
春卷 + 魚皮餃河粉 短短幾年內 由 $16 加到 $24 人工又唔見加得咁快 唉
腩肉春卷酸辣小鍋米線 ( 中辣 )
頭先媽咪打黎話平安鐘同隨身寶壞咗 叫我搵人整 但佢又話已經叫咗人黎整 咁即係點呀 講到我都亂 所以火起啦 之後我再問 佢先話平安鐘同隨身寶係唔同師傅 唉 一早講清楚 d 嘛 ~
火起咩都唔知理 咁里奧大人問點解媽咪無啦啦按平安鐘 係咪唔舒服 我先醒起問媽咪點解要按平安鐘添 原來平安鐘服務中心有心打比媽咪屋企 個女人搵完媽咪之後就無講嘢 但之後就有個男人同媽咪傾喇 初初媽咪都答咗佢 d 嘢 後尾覺得個男人好似查家宅咁 所以媽咪即收線 再即按平安鐘 問 d 職員係咪有咁嘅服務 但職員話真係有呢 d服務 不過唔會直接打電話同媽咪講 咁即係頭先個電話係呃人啦 估唔到媽咪今次咁醒 之後我再打番比媽咪 同佢講唔好意思 頭先咁掹 同埋同佢講 屋企所有嘢都係我同家姐登記 無人會知道佢嘅資料 再有呢 d 人打黎 妳即刻收線就得 唔駛理佢
食飽去 Sogo 行下 最後喺超市買咗盒細韓式辣醬同埋環保袋就走 lu ~
去 GAP 睇下有無平嘢執 不過唔啱心水 之後去誠品買珍珠奶茶 再去 food court 坐下先 因為我着咗平底人字拖 行到對腳好鬼好鬼痛呀 嗚 ~
凍珍珠奶茶 ( $18 ) - 我去台北飲第一杯珍珠奶茶就係用天仁茶 所以覺得好好飲 知道誠品有就已經成日想試架喇 umm 真係好飲呀 因為唔鞋口呢 珍珠又煙韌 我最鍾意呢
我勁想食韓燒 咁啱銅鑼灣有漢和 所以去誠品睇下書先再去 今次買咗本意大利粉嘅食譜 衰里奧大人話我買咁多食譜又唔見我煮裡面 d 嘢 我話係想支持下佢地之嘛 呵呵 ~
差唔多 6 點去到漢和 任飲任食限時個半鐘 其實幾趕 之前同里奧大人講咗架啦 佢又話 d 時間夠食 點知去到坐低拎下嘢食 燒下嘢食 佢話個半鐘其實幾趕 我咪話囉 燒嘅係肉類 點都要 d 時間 同埋無理由燒好哂一堆先黎食家嘛 咁咪凍哂囉 我唔鍾意咁樣 ~
唉 部相機嘅鏡頭葉無啦啦開得一半 關就關得一半 要 "鄧" 下先可以關得哂 仲要有條罅添 可能換咗相機袋 我成日扯部相機出黎 一日扯幾次 所以整壞咗都未定 ~
食到 7 點半都要走架喇 好飽呀 所以又去 Broadway 睇下 d 電視機 因為屋企部電視都應該壽終正寢 lu ~
睇完就坐 671 番九龍灣 去咗 Zara 睇西裝 之後再去 Broadway 睇電視機 睇啱咗部 Samsung 不過要格價先呢 ~
番到屋企即沖涼 之後飲湯 都原來已經 10 點幾 我睇咗陣心計都瞓喇 好攰呀 鬼咩 尋晚玩到咁夜 想唔攰都難 ~
誠品買嘅意大利麵食譜 ( $62 )
Sogo 買嘅韓式辣醬 ( 細 ) 好似 $15.9
去 GAP 睇下有無平嘢執 不過唔啱心水 之後去誠品買珍珠奶茶 再去 food court 坐下先 因為我着咗平底人字拖 行到對腳好鬼好鬼痛呀 嗚 ~
凍珍珠奶茶 ( $18 ) - 我去台北飲第一杯珍珠奶茶就係用天仁茶 所以覺得好好飲 知道誠品有就已經成日想試架喇 umm 真係好飲呀 因為唔鞋口呢 珍珠又煙韌 我最鍾意呢
我勁想食韓燒 咁啱銅鑼灣有漢和 所以去誠品睇下書先再去 今次買咗本意大利粉嘅食譜 衰里奧大人話我買咁多食譜又唔見我煮裡面 d 嘢 我話係想支持下佢地之嘛 呵呵 ~
差唔多 6 點去到漢和 任飲任食限時個半鐘 其實幾趕 之前同里奧大人講咗架啦 佢又話 d 時間夠食 點知去到坐低拎下嘢食 燒下嘢食 佢話個半鐘其實幾趕 我咪話囉 燒嘅係肉類 點都要 d 時間 同埋無理由燒好哂一堆先黎食家嘛 咁咪凍哂囉 我唔鍾意咁樣 ~
唉 部相機嘅鏡頭葉無啦啦開得一半 關就關得一半 要 "鄧" 下先可以關得哂 仲要有條罅添 可能換咗相機袋 我成日扯部相機出黎 一日扯幾次 所以整壞咗都未定 ~
食到 7 點半都要走架喇 好飽呀 所以又去 Broadway 睇下 d 電視機 因為屋企部電視都應該壽終正寢 lu ~
睇完就坐 671 番九龍灣 去咗 Zara 睇西裝 之後再去 Broadway 睇電視機 睇啱咗部 Samsung 不過要格價先呢 ~
番到屋企即沖涼 之後飲湯 都原來已經 10 點幾 我睇咗陣心計都瞓喇 好攰呀 鬼咩 尋晚玩到咁夜 想唔攰都難 ~
誠品買嘅意大利麵食譜 ( $62 )
Sogo 買嘅韓式辣醬 ( 細 ) 好似 $15.9
沒有留言:
發佈留言