常滿雞煲火鍋專門店 @ 荃灣 + Neway CEO @ Megabox ( 4-Apr-2014 )

麻辣常滿雞煲 - 半隻 ( 中麻小辣 ) - 一睇到個色已經好吸引咯

之後 Waitress 幫我哋搞下煲雞   咁就食得喇   估唔到都好辣   家姐非常之鍾意啦   講咗好多次好味呀好味呀   好在蘿蘿無嚟   唔係發脾氣走都似   因為佢唔食得辣   呵呵

炸魚皮 x 2 - 我地 3 個都好鍾意食   因為好難食到好味嘅炸魚皮   呢間唔錯   所以食完之後再叫多碟   嗰碟仲比之前果碟新鮮鬆化   正呀 

手打鮮墨魚滑 / 鮮蝦滑 - 都幾彈牙   唔錯唔錯

牛骨髓 - 我同家姐都鍾意食呢

新鮮肥鵝腸 - 糟糟必叫

手切本地肥牛 ( 小 ) - 唔太得囉   淥耐咗會好 "鞋"   安格斯好味啲

皇帝菜 - 份量都好多   同埋佢擺到好似啱啱喺田園扎出黎咁   個碗又靚   賣相超掂呀   同埋感覺好乾淨    

酸酸哋嘅醬汁   不過如果配打邊爐又唔係好夾噃   但其實唔知呢碟醬汁係點咩嚟食   哈哈

( 4-Apr-2014  Fri )

今日我着中袖   但一出大堂就覺得有啲凍   不過都唔番屋企拎外套㗎喇   反正菇場有褸有頸巾   如果夜晚係咁凍   就拎埋出街着算喇 ~

早餐去另一間食   因為去開嗰間無冷氣好焗   最驚咁呢 ~

菇場忙呀   呵呵   勁快到 Lunch Time ~

一忙就想出去抖抖氣   所以行一陣   再買埋 Lunch 番菇場食 ~

台灣黑椒腸   無味嘅

忙呀忙   做到 3 點幾有啲餓   所以一路做一路食件拿破崙   不過咁樣食真係一啲都唔享受 ~

今晚我請家姐同糟糟食辣雞煲   因為糟糟之前去韓國幫我買咗 Lanegie 無收我錢   所以我請佢食雞煲啦   但家姐話係佢比   但我覺得家姐幫我比囉   不過佢又話唔係 ~  

放工即走喇   糟糟已經喺菇場附近等緊我呢    之後再去接家姐 ~

今晚我遊車河呀   又有小小塞車喎   好在糟糟避開到勁塞嘅地方   唔係就唔知塞到幾時咯 ~

入到荃灣都差唔多 7 點   糟糟多數去愉景新地   我就多數去路德圍   所以我地唔知二陂坊喺邊   開 GPS 仲要人肉搜尋   不過我同家姐都係路盲   去到三坡坊   糟糟同我哋講二坡坊應該隔離   叫我哋一個睇左一個睇右   我同家姐都未睇   佢已經搵到   呵呵   都叫佢咪靠我哋㗎啦 ~

見到常滿   我同家姐就落車去常滿先   糟糟去泊車   佢話去商場泊車   入去之後就即刻 Full 喇   遲一步佢又唔知要泊邊度 lu   所以勁感恩呢 ~

衰糟講明話今次辣雞要食中辣   咁家姐又想大辣   我都話想大辣   同衰糟講話即係妳去滑雪   都唔會去小雪嘅地方滑啦   佢好慘咁答番我話   人哋識滑雪先去多雪嘅地方滑   哈哈哈哈  佢其實講得好啱   不過唔會理佢 ~

我問個 Waitress 麻辣係咩程度   佢話小辣已經好勁   不過佢又唔食得辣   所以我又唔係咁信佢噃   最後一致要中麻中辣   已經落咗單㗎喇   之後有另一個 Waitress 同我哋講   中麻中辣驚我哋頂唔順喎   因為係越煲越辣   無得番轉頭   咁好啦   糟糟真係好驚囉   所以最後轉中麻小辣 ~

糟糟最鍾意叫到萬里長城咁㗎   但又食唔哂㗎喎   所以我唔會比佢咁啦   食到一半唔飽再叫 ~

今次小辣真係好辣喎   因為家姐都話辣   佢話辣即係辣㗎喇   所以糟糟都好勁   可以食到   呵呵   不過一加湯打邊爐   個湯底變咗完全無味囉   唉   又話越滾越麻辣   都唔係嘅 ~

無咗蘿蘿真係食得好鬼開心   一路食一路傾一路笑   好快都差唔多 8 點半   糟糟話想唱 K   所以我話去 mega BOX   呵呵   近我屋企嘛   我哋當中最唔捱得係我嘛   平時 11 點就瞓   但衰糟唔信 ~

我啦   里奧大人啦   糟糟啦   都比家姐嗰句 " 食完鹹要食甜 " 洗哂腦   咁事實真係食完鹹想食甜嘅   但問題係食完甜之後又想食番鹹呢   沒完沒了   哈哈 ~

去到 mega BOX 都係 9 點左右   估唔到停車場幾層都 Full 哂   兜到暈   咁泊完車之後就去麥記買雪糕   之後我話 mega BOX 我成日去   等我帶路   勁呀 ~

好感激好感激佢哋好信我   不過我帶佢哋搭扶手電梯   無啦啦唔知點解去咗 AEON 另一邊   哈哈   平時去都唔係咁㗎噃   之後要行番入超市先可以再搭電梯   佢哋開始懷疑我   又話我成日去   點解帶錯路 ?!   我咪話囉   反正妳地又飽   雪糕又未食完   咪行下囉   真係信我一成雙目失明呀   我幾大都唔認衰呢 ~

Book 咗 10 點   不過 9 點半都可以入房 lu   仲可以係大房添   不過如果有人要房   我哋就轉番細房呢 ~

諗住 mega BOX 咁隔涉無人嚟啦   估唔到啲房都 full 囉 ~

$265/位   另加 2 Nuts + 1 Fruit   東亞卡有 9 折

我好鍾意佢啲歌㗎

9 點半唱到 2 點幾   都夠喉㗎喇   所以都走喇   埋單 $795   糟糟佢請呀 ~

有 2 個鐘頭 Free Parking   所以要落番去 G/F "給"飛   之後再上番 14 樓攞車   頭先嚟嘅時候得番一個位泊車   依家就第番我哋一架車泊喺度   好似突然間全層嘅車都無哂   好有鬼片 Feel ~

因為係揸家姐㗎車   所以送完我番屋企   之後車糟糟番屋企   最後先到家姐番屋企呀   我番到屋企即沖涼喇   差唔多 3 點家姐就番到屋企   咁我都瞓喇   超勁攰 ~

如果突然有狗吠   我估我會大叫   如果有人叫我個名   我估我會