2014年5月12日星期一
牛肉飯 + 雞扎 ( 外賣 ) @ 屋企 ( 12-MAY-2014 )
( 12-MAY-2014 MON )
瞓晚瞓得唔錯噃 今朝都幾精神 好難得星期一會精神架 哈 ~
早餐食芝腿治烘底 點知佢比錯芝腿蛋治烘底 最勁係我食嘅時候都唔覺 食咗幾啖先望下 原來佢地比錯咗 呵呵 ~
菇場勁忙呀 好在 11 點幾搞掂 ~
晏晝同 PMS 食 lunch 我講明話想食酸辣米線 估唔到佢就係想食酸辣米線先約我呢 之後我話今次要小辣同埋唔食雲吞 因為食雲吞食到好悶 佢咁啱又係咁諗 搞笑 ~
食完就去行 Mikiki 有間舖頭買飾物做 Promo $99/3 件 超勁抵呀 我同佢買咗全場最大嘅頸鍊 所以加埋一齊拎都好重囉 無啦啦買到平嘢 真係好鬼開心呀 ~
菇場唔忙 實在太好 我唔太鍾意晏晝忙 因為樣樣都變得好急趕咁 同埋我想準時走嘛 所以咩都快快手做哂 但其實係唔趕咁囉 ~
放工搭 13D 差唔多 5 點 50 分先有車 架巴士焗到暈呀 唔明司機點頂得順 ~
6 點 20 分先到醫院 家姐無耐都黎埋 lu 媽咪話本來今日出院 因為媽咪肺炎 所以吊緊抗生素藥水 咁但醫生話睇下可唔可以用藥丸代替藥水 搞咗 1 個鐘 同媽咪講唔好意思 因為無得將藥水代替藥丸 所以唔出得院 嚇到媽咪喊 因為明明話出得院 之後話唔可以出院 驚自己有咩事嘛 不過其實如果無咩問題 都應該呢一兩日出院架喇 因為媽咪都精神嘛 ~
8 點走人 又係打的送埋工人番屋企先 但里奧大人又未放工 我又唔想煮麵 所以沖埋涼先再諗食咩 不過就唔會出街食囉 ~
里奧大人差唔多 8 點 15 分先放工 咁我叫佢買唐記牛肉飯番屋企食算 lu ~
我覺得自己好衰咁 雖然我探媽咪好攰 但其實里奧大人做到 8 點都好攰啦 仲要買外賣 慘 ~
食完就睇電視 又係 11 點半先瞓 ~
訂閱:
發佈留言 (Atom)
酸辣米線笠..早你個笠四呀!
回覆刪除夠啦...又米線~不如一陣同我去飲茶啦..唔好再食米線啦! 哈哈哈哈
咬YO! 笠媽真係好驚~早排媽咪又係肺炎~煩啦! 身體弱所以都易感染
加上依家勁多人肺炎呀~所以叫笠媽好返都要小心D~人多地方唔好去呀
唉! 你知啦..病一次又要復原時間都好長ma..真係要keep好抗拒力要好好囉
你成日買埋d頸鍊有無戴架~我好少戴依d..介子都無戴架!
下次出黎戴比我睇呀~咪收收埋埋先得架
早四笠 嘩哈哈哈 四字真係唔多好咁 嘩哈哈哈哈 ~
回覆刪除其實係叫妳早起笠咋 唔好又無丁丁鬧我喎 ~
夠咩呀夠 不過見妳叫到 我就陪妳去飲茶啦 嘩哈哈 ~
老人家身體一弱就真你好易有肺炎 叫 mi 笠自己都要小心 d 呀 一唔舒服就要出聲 唔好收呀呀 ~
無錯 病一病真係要長時間先可以復原 最緊要做運動 ~
好感恩呀笠 媽咪唔駛食糖尿病藥喇
不過佢都一樣食咁清架 唔會亂黎 因為佢知道糖尿病嚴重係好大鑊呢 ~
我會戴頸練架 唔係唔會買啦 明無 ?!
我超鍾意大大隻介子 不過小奧成日話浮誇 唔比我買呀 哈 ~
好呀 下次戴比妳睇丫 比妳拎上手 睇下妳覺得重唔重 哈哈 ~
Bellow
回覆刪除Yellow ~~~~~~~~~~~~~~~~~~~~
刪除