熱熱熱。新加坡吃喝玩樂 4 天團 + 2 天自由行 Day 1 (Part 1/3) ( 31-MAY-2014 )

( 31-MAY-2014  Day 1 Part 1/3 )

尋晚都瞓得好好呀   感恩感恩   所以今朝 4 點鬧鐘響就即刻充滿力量咁彈起身喇 ~~

沖埋涼再 double check 所有嘢   抖陣就出門口喇   勁興奮呀 ~

出發喇   紅色個袋係裝滿哂比冰姑嘅手信   豆豉鯪魚同湯包唔小得   好有香港特式嘛   哈哈


車都唔多架


4 點 50 分到停車場   的士已經到咗   車程暢順   6 點 20 分已經到咗機場喇 ~

6 點 35 分 E 區集合   同領隊報到之後   擺好行李   拎埋機票就去食嘢喇 ~

都好多人噃

等待中

我地係 F 組

今次仍然去美心   第一次係大把位任妳坐呀   因為可能真係好早呀   哈哈   佢地嘅奶茶咖啡真係好好飲   但今次 d 早餐好難食囉   呵呵 ~

今次嘅牛扒同腸都 overcook   乾到呢 @@


塊肉好鹹 @@

食完之後就入閘行下   估唔到喺 Duty Free 買咗個銀包   好開心呀   因為想買好耐呢 ~

終於天光喇

次次都會去 Disney 影相   不過今次太早啦   仲未開舖    因為當時只係 6 點半咋   哈哈

7 點 40 分要去到閘口   因為 8 點 05 分起飛   但最終都要 8 點半先飛囉 ~

64 閘口   好易記


填入境表   我覺得好似六合彩 d 飛咁

起飛喇

飛機嘅玻璃窗好乾淨

睇下戲先   不過都係睇下瞓下咁   大佬   4 點起身呀   點都會有 d 眼瞓嘅   哈

飛機餐唔錯喎   熱辣辣   最有驚喜係個包   脆卜卜架

里奧大人居然食粥   一陣就知餓喇   呵呵

衝入雲海勁正呀   大大嚿雲喺妳面前略過

終於同冰姑吸同一啖空氣喇   哈哈

12 點降落喇   12 點半先 check in 完 ~

出面有 30 度   不過都預咗熱架喇

喺呢度集合   屋企牆身係咁就好 lu

好多人呀   差唔多 12 點半先搞掂

Belt 21 拎行李喇

齊齊集合   因為仲有其他團友未拎行李   所以里奧大人就即刻跑去唱錢

里奧大人唱住 HK$2,000 ( SGD 318.8 ) 先   之後順便買埋電話卡   雖然張電話卡要 SGD33.05   出面好似 SGD1x 咋   但佢話一條龍服務唔駛煩喎   哈   今次一定要買電話卡   因為最主要係同冰姑聯絡呢 ~

雖然新加坡真係好鬼熱   但就無香港咁焗囉   咁又係呀   香港到處都係高樓大廈   想有滴風吹埋黎都難呀 ~

香港領隊係彩虹妹妹   新加坡導遊係米高叔叔   團友總共 18 人  ( 1 家 6 口 + 3 對母女 + 1 對兄弟 + 1 對夫婦 )   好感恩我地坐大旅遊巴   即係起碼有 40 座位嘅旅遊巴呢   咁我同里奧大人都分開前後坐   因為里奧大人個背囊好鬼大個   抱住佢坐好辛苦啫   唯有忍痛同佢分開下啦   不過睇得出佢好開心自己坐   嘩哈哈   其實去旅行係鍾意同佢分開坐   最好一左一右添   可以影唔同嘅嘢嘛 ~

1 點終於出發喇   第 1 個景點係去 "亞坤咖央多士咖啡" 食 tea   真係好 tea 架   因為唔會飽   不過咁鬼熱   真係無咩胃口   食完就周圍影啦   有里奧大人喺度   佢會專心影相   而我可以好專心食同買   所以好鬼感激佢架   哈哈 ~

我地坐司機後第 3 行   所以瞓覺有難度   呵

我次次覺得一入隧道就好似喺香港咁   哈

@ 亞坤咖央多士咖啡 - 人頭湧湧  好在有冷氣

食 Tea 喇   每人有 2 件 Kaya 多士 + 1 杯飲品

呢度係 4 人份   我地同 2 母女 share 食

多士又薄又脆   無咩咬口   哈   好在 Kaya 唔係好甜

凍奶茶 / 凍咖啡 - 米高叔叔叫我地千其唔好撈勻黎飲   唔係就會超級甜   咁熱天氣   都係覺得飲 d 酸嘢好 d

幅畫都幾得意

介紹一下

Open Kitchen ?!   都算乾淨呀

吸引我嘅   係 d 杯 ^^

建築物好靚

里奧大人帶住超影相   所以成日以為唔夠光   oh oh oh

坐出面就唔好搞喇   勁熱

天氣好好   感恩感恩

亞坤隔離係酒 Bar   呢張櫈好似好舒服咁   不過唔係呢個時候坐囉   呵

我地坐呢架旅遊車   好大架好舒服

黑白黑白黑白

里奧大人一馬當先過對面行下影下 

外牆好靚

幾有特色噃

我好鍾意電話亭架

好鍾意呢個裝飾

真係好乾淨   讚

好闊呀   涼涼地喺度食嘢飲嘢真係唔錯唔錯

綠色植物   望住真係舒服呢

Aberdeen   好有親切感呀   哈

新舊大廈共冶一爐   我覺得係最有特色呢

最後我忍唔住買咗套咖啡杯碟   SGD 4 ( HK$24.8 )   團友同領隊都呆咗   呢 d 都買 ?!   不過我上次去馬來西亞都買唔到嘛   所以今次買到好開心呀 ~

差唔多 1 點 50 分就出發去第 2 個景點   就係 Gardens by the Bay ( 濱海灣花園 ) 嘅 Flower Dome & Cloud Forest   呢個地方真係好值得去   我覺得大開眼界   同埋最最最最緊要係有冷氣   嘆住冷氣欣賞唔同種類嘅花真係好鬼正   我鍾意睇花   但好多時都係室外家嘛   會熱到無心機睇囉   逗留時間由 2 點 15 分至 3 點 45 分   真係要好好把握時間咯 ~

想落雨咁噃   不過唔緊要   我地喺室內

出面周圍都係花   好靚呀

大石春   團友摸完之後話好冰涼喎

入去喇

紫色   即刻諗起家姐

米高叔叔喺呢度拎團體飛

米高叔叔話新加坡每日都會落一場雨   所以好多地方都有簷逢   好細心呀

鱷魚櫈

3 點 45 分番黎呢度集合

入去喇   估唔到冷氣咁勁囉   所以一入去就唔想出番去   哈

好得意呀   呢度有好多唔同國家嘅植物   真係好值得去睇呢

跌咗入去就慘咯

好似隻手指

顏色好特別

好似隻 "毛神神" 嘅蜘蛛

d 顏色又係好特別   灰灰白白咁

心型仙人掌   里奧大人唔識欣賞

比佢 "吉" 一嘢真係命都無

好似跳緊舞

影到摩天輪噃

太陽能板

好得意呀

影到好似幅畫咁   但其實真係咁嘅顏色   好深綠色架

其實我覺得唔夠時間慢慢睇   不過里奧大人就想多 d 時間去 Cloud Forest 睇囉   所以 2 點 45 分要走喇 ~

走人喇

呢日未完架 ^^