元氣壽司 @ 九龍灣 ( 6-MAY-2014 )

三文魚 / 舌拿魚 / 三文魚腩
芥辣八爪魚 / 三文魚籽 / 海膽 / 炸蝦天婦羅

三文魚腩 / 劍魚腩 / 辛辣長鰭吞拿魚 

中華沙律

厚燒玉子

大學芋

迷你泡芙 x 2 

日本芝士蛋糕

( 6-MAY-2014  TUE )

今日係佛誕假期   所以瞓到 10 點 40 分先醒呀   幾咁好瞓呀 ~

之後我同里奧大人講   仲諗住尋晚喊完好瞓 d   點知尋晚係激氣到瞓唔着   嘩哈哈哈哈 ~

去大快活食早餐   坐喺隔離對父子   個仔應該 10 歲左右   全程聽住 headphone 同埋手機睇漫畫   咁佢爸爸拎完嘢食比佢   之後再拎埋自己果份番埋位   個爸爸就即拎部電話出黎睇嘢   由我食早餐到食完早餐   佢地兩個全程係無講過一句說話   咁嘅身教真係好唔得囉 ~

今日仲係好攰   所以番屋企抖抖先   再諗下今晚煮唔煮飯   因為里奧大人叫我唔好去探媽咪喎   風頭火勢   要我 cool down 下   我話最多唔出聲囉   佢話黑口黑面仲衰   同埋一陣去到又開火就唔好喎   話哂媽咪喺醫院   唔好激佢喎 ~  

2 點幾食 tea   食完就去買高清解碼器   因為依家用緊果部好廢呀   唔可以同步錄影   所以忍唔住要買部可以同步錄影囉 ~

買完就去整嘢   之後去百佳買榴槤   再去麥當勞買雪糕新地就番屋企喇 ~

5 點家姐打黎話今晚同我地食   咁即係去元氣啦   哈 ~

里奧大人出咗門口   我就熨 2 機衫   熨完都 7 點   抖陣就出發去等位喇   家姐同里奧大人差唔多 8 點 10 分就到   咁都算快架喇   因為我尋晚要等的士   佢地今晚就的士等人   oh ~

里奧大人一見到我就即報料啦   佢話佢一去到   媽咪問我係咪唔黎   佢答係   之後媽咪問我做咩唔黎   佢就攤開對手縮一縮膊頭無出聲   咁媽咪問我係咪唔舒服   佢又係咁動作   之後佢話媽咪個樣開始驚   因為我估媽咪無諗過我唔黎   又唔打比佢嘛   咁媽咪再問係咪我每月一到   佢話唔知呀   妳自己打去問啦   咁媽咪即刻打比我呀   咁里奧大人就即 line 我話媽咪打緊比我   叫我唔好激氣喎   咁我識做啦   佢打黎就當無事發生   咁媽咪知我無唔舒服就無咁擔心啦   里奧大人話媽咪打完電話比我之後就笑哂喇   係咪呢   係要激到我發火發顛唔黎睇妳先識驚   所以我今次好在無心軟睇媽咪   等佢知道自己咁樣唔啱   希望佢識珍惜啦 ~

食到 9 點半就走喇   今次食咗 $420   仲差 $6x 就做到會員   做咩頭先唔計下條數先架   豬咗添 ~    

陪埋家姐等巴士   感恩佢好快有車   我番到屋企沖完涼   佢話佢已經番到屋企   真係勁快呀 ~

今晚 11 點半先瞓   聽朝肯定唔願起身呀   哈 ~