長洲半天遊 + 勝利大排檔 @ 九龍灣 ( 3-MAY-2014 )

潮州二寶 - 菜甫好味呀   不過就咁食就鹹咗 d   所以叫碗白粥   一齊食好好味架

白粥 - 完全唔熱   

干炒牛河 - 想試下炒嘢   都唔錯

鮑汁螺片扒西蘭花 - 個芡汁太杰喇

頭抽蜜絲豬扒 - 我今次勁喇   完全無食過呢個餸囉   見到都驚   我今次又問姑奶   問佢如果無咗呢個餸   佢仲黎唔黎   佢諗咗一下話唔黎   笑爆咀呀   佢真係好愛好愛呢個餸囉   上次話 10 年都會食呢個餸   同埋原來佢一個星期仲會外賣幾次呢個餸番屋企食   佢話懶諗食咩喎   我超勁佩服佢可以咁食法   

( 3-MAY-2014  SAT )

終於每月一 off   對於我黎講係大日子黎架喇   哈   雖然我好攰   但都想出去行下   散散 d 負能量呢 ~

瞓到 9 點半就醒咗 lu   之後懶床   差唔多 10 點先落去食早餐 ~

牛肉腸

炒蛋配牛油多士

五香肉丁腸仔出前一丁 - 不過 d 丁唔好食

11 點幾出門口   坐 619 再轉 603   去到中環三號碼頭就坐船去長洲   感恩有豪華位   仲要係上船無耐就開船呀   雖然坐慢船要 1 個鐘   不過唔緊要喎   因為我都係瞓覺   仲要係勁好瞓果隻添 ~

我坐窗邊位   好在唔曬   哈

都好多人入長洲呀

影呀影

呢張好好 feel 咁噃

一棟棟好似積木

 

我地唔係坐呢 d 船   

仍都唔係坐呢 d 船呢   我地坐大船   所以好定   唔會暈船浪   但又會令妳好好瞓   哈哈

里奧大人話好大浪呢   不過我地坐大船又唔覺好拋噃

一出碼頭就見到好多人   可能 d 人黎睇包山同拜神啦 ~   

我最鍾意嘅紮染裙同紅鞋子

里奧大人周圍影

動作一致

我唔知里奧大人影咗咩   咁 load 相嘅時候我又無咩認真睇   我話呢張好溫馨   第時我地兩個老咗咁休閒就好 lu   之後佢話紅色衫果個係男人   嘩哈哈   鬼知咩

繼續影

居然比里奧大人影到好嘢   呢個女人棟高隻腳傾電話   里奧大人仲話當時好大風   佢條裙吹起咗   佢話好在唔係企喺佢前面影咋   

差唔多 1 點就去蘇波記食 lunch   佢地話今日廚房得一個師傅   所以一係 set 好哂嘅套餐   咁我問個男仔有無得散叫   佢話無   咁我諗住走架喇   不過再問老闆娘   佢話有得散叫   不過會等好耐   咁我地都無問題   因為我唔想試另一間   不過今次都整得唔好食囉   慘   同埋居然要加一服務費   食咁耐都未試過咁加一囉   同埋今餐都唔飽   但就一定唔會加單   因為唔知等幾耐呢   食完都已經 3 點   平時無問題   但今晚探媽咪   所以要爭取時間呀 ~

豉汁蒸鯧魚 - 個汁超勁好味   自己整到就好 lu

豉汁炒蟶子 - 今次份量都幾多

椒鹽鮮魷 - 求其到暈 @@

蒜泥白肉 - 個汁 ok 架   但所謂嘅白肉完全係肥豬肉   根本食唔到嘅   呃錢

大藍妹 - 熱呀   所以里奧大人叫啤酒飲   我飲咗 2 啖都無飲 lu   因為想飲可樂呢

因為坐出面食嘛   所以焗到有 d 眼瞓添   出番大街就舒服好多   只不過無咁焗   但就好熱囉   同埋超勁多人   所以無咩 mood 行同影相 ~

好似比寵物玩嘅玩具

我第一次親眼見到包山呢

係咪代表 3 支香呢 ?!

後面係咁嘅

平時呢度係球場

巨香

都唔知幾多年無見呢 d 風車咯

影埋日子最好   下次唔好揀 5 月初黎長洲   因為實在太多人喇 

睇呢張相   我第一句就好想講   邊個細路曳呢   我就質佢個頭埋去   食~哂~佢~~~~

點讀呢 ?!

真識做生意喇

排長龍買平安包

不斷蒸

我鍾意食壽包多 d

雞屎滕   即刻諗起雞屎勝   哈哈

行海灘呢邊

咁大桶啤酒   如果比我   我真係唔知飲幾耐   

我好鍾意門口放好多花架   呢間屋主寫明 "內有惡犬"   驚啦

第一次見到呢種花   好特別呀

大紅大愛

曬乾 d 蝦

之後變成蝦乾 ?!   佢地排得好整齊   好靚呀  

兜咗個大圈就走喇   見到碼頭排長龍呀   所以去麥當勞食下嘢   過下冷河先走   食完就見到無哂人龍   咁即走喇   聽到有豪華位飛賣   就更加要加快腳步   因為走咗呢班船   要再等半個鐘先有船   但我地要探媽咪   所以唔會等囉 ~

坐船真係好好瞓   我又瞓咗半個鐘啦   我真係好小一日瞓咁多次呢   所以我肯定係好攰   哈 ~   

去到中環碼頭都已經 5 點半   所以坐地鐵再喺九龍灣打的去醫院   去到又係 6 點 15 分   一入去都見到家姐 lu ~

探到 8 點就走喇   兜埋工人番屋企   再去搵姑奶食晚飯   其實晏畫都問里奧大人今晚食咩好   點知姑奶就打黎約今晚食飯   咁又好喎   唔駛諗食咩  哈 ~

姑奶差唔多 9 點先到   所以食完都 10 點半   要走喇   無啦啦又落雨   所以又要打的番屋企   又係兜埋姑奶番屋企   我地先番屋企呢 ~

番到屋企即沖涼呀   呢幾晚真係攰到唔想沖涼   不過一定唔得啦   唔沖涼絕對唔會發生喺我身上   哈 ~

搞 le 搞 lu 原來已經 12 點半   時間過得勁快   唔瞓唔得 lu ~