熱熱熱。新加坡吃喝玩樂 4 天團 + 2 天自由行 Day 1 (Part 2/3) ( 31-MAY-2014 )

繼續行程 ( 31-MAY-2014  Day 1 Part 2/3 )

Cloud Forest 就係里奧大人好想去睇嘅地方呢   佢話之前睇旅遊節目就已經好想去睇呢   終於夢想成真啦   恭喜恭喜 ~~

入去睇喇

小瀑布
                           

里奧大人叫我企喺瀑布第 2 層影   咁我行去啦

望到第 4 層係咁嘅

好似菲林片

行下行下唔對路囉   都唔見入口   所以即打道回府搵番里奧大人一齊行去呢   唔係佢以為我盪失路

沿途有 d 石公仔

好有戰鬥格噃

又黎玩下   里奧大人最鍾意   哈

佢係一架車   唔講唔知呀呢   嘩哈哈哈哈   因為我影得唔好呢

行喇行喇

我第 1 日就着密頭鞋   之後幾日完全踢拖囉   真係好鬼熱呀

半天吊

由下面影上去

望落去勁驚架   所以影相都要捉實

里奧大人喺對面幫我影相

企定定影張相先

右手邊企最開嘅印度人   佢等我影埋相先行   仲同我微笑   真係好 nice

里奧大人又要幫我影   話難得無人行喎   其實好想佢快 d 過黎同我一齊行囉   勁驚呀   哈哈

我影到好似火車軌   哈哈

真係好高架   就咁望都腳軟軟 

天馬行空嘅感覺

走喇

呢 d 石公仔都幾恐怖

我發覺新加坡都好多印度人   同埋發覺佢地大部份都好有禮貌   因為好多次都等我地影埋相先行過去   有次我地影完相   見到十幾個企喺我地後面   等我地影完相先行   但佢地無黑面架喎   我地猛話 sorry sorry   佢地都同我地笑一笑   好 nice 呀 ~

出去 lu   爆到 pang pang 聲   里奧大人乜事呀   哈哈

沿途又有 d 花呀草呀

好得意

星星葉   有層絨面   好似假咁架

又影張相留念   順便影下 d 鐘乳石 ^^

我地出咗另一個出口位置   好在米高叔叔叫我地咋   唔係都唔知行咗邊咯   之後佢叫我地影埋全球最高嘅摩天輪 ~

如果夜晚去 Gardens by the Bay 仲靚呀

仍然藍天白雲   希望之後幾日都係咁啦

4 點準時出發去 Marina Bay Sands ( 濱海灣金沙 )   感覺似澳門威尼斯人咁囉   大型購物商場行下名店咁囉 ~

同澳門威尼斯人差唔多   所以我無咩興趣

一大堆人殺埋黎   見到即走喇

熱呀   冷氣唔夠囉

里奧大人自己行出去影相

呢個係一個好大嘅兜

都幾特別

umm   其實我最想食 d 嘢同飲嘢就真   見到指示牌有 Food Court   不過行咗好耐都唔見囉   不過就搵到間 Cold Storage   買咗包薯條 ( SDG 2.45 ) 同 1 支 100 plus ( SDG 1.9 )   不過個印度人 Cashier 嘅態度就勁差啦   我比 coins 佢嘛   佢已經不耐煩   因為我都唔知邊個打邊個嘛   之後我問支 100 plus 幾錢   因為係里奧大人拎比我   我唔知幾錢架   之後佢好大力咁擰個屏面比我地睇   個屏面比佢擰到直頭想爛咁滯囉   駛唔駛咁喎 ~

去到集合地點   彩虹妹妹都係買 100 plus   識貨呀下   哈哈   之後又傾下計   佢又鍾意食榴槤   啱哂咀型 ~

終於明白點解里奧大人話我成日阻住哂   嘩哈哈哈哈   鬼知妳影相咩   指比你睇 Bugis 呀


因為驚撞正食飯時間好多人   所以安排我地食飯先   5 點幾食早飯 ~

去松發肉骨茶食 " 秘制星洲肉骨茶"   環境好懷舊   但個肉骨茶真係麻麻地囉   不過米高叔叔都話似胡椒豬肚湯味道   所以我都無期望   同埋食團體菜仲更加唔好有期望   因為實會跟番香港人口味   唔得正宗咁呢 ~

唔好講笑   頭先真係有 d 餓架   但食完包薯條又有 d 滯   不過咁早食飯都好   我驚里奧大人餓呀

我叫里奧大人快 d 洗手先啦   不過佢無咁蠢   哈哈

好有歷史嘅痕跡

黑豉油好杰   辣椒醬好辣   勁好味呀   但果幾粒辣椒就無料到嘅

4 人份量   以為得咁多啦

原來有咁鬼多嘢食先真呀

燜豬手 ?!   無食到呀   今餐太多肉喇 @@   同埋天氣咁熱   真係唔想食肉 

潮州肉骨茶   無味道嘅   不過就有我最鍾意嘅豬軟骨   點咗豉油就好好味呀

呢日未完架 ^^