招牌水餃 + 腐乳通菜 ( 7-MAY-2014 )

( 7-MAY-2014  WED )

嘩   瞓得唔好加上天氣又潮濕   真係攰到無朋友呀 ~   

早餐食通粉餐   但食唔哂個奄列同多士   留番晏 d 先食   之後渠王又黎   其實我攰就唔想出聲講嘢   不過唔想妳眼望我眼   我都求其 up 下嘢咁啦 ~

菇場都忙呀   真係越忙越眼瞓添   哈 ~

媽咪 10 點幾打黎話出院   不過醫生轉咗藥   所以我晏晝要番媽咪屋企執好 d 藥   等工人拎去比醫生睇呢 ~

一到 Lunch Time 就打的番媽咪屋企   執好哂藥之後就叫工人幫我買飯盒   同佢 share 食   好在佢肯食咋   因為佢話頭先食完飯   但我話真係食唔哂   要佢幫手食   哈 ~

搭巴士番菇場   點知落車先黎勁大雨   搞到我對腳同對鞋都濕哂   嗚嗚嗚嗚 ~

菇場又忙啦   仲要對住 d 數字   我覺得對眼就黎盲咁囉 ~

放工去百佳買菜   之後就去八方雲集買生嘅招牌水餃   $38 有 20 隻真係抵囉   同埋我又鍾意食   但里奧大人就鍾意食鍋貼多 d   所以如果佢話唔食   我就轉買燻蹄就算   老實講   我超勁攰   真係唔想又炒又煎咁呢 ~

PMS 又打黎傾   不過今次傾咗 15 分鐘就要收線   因為家姐打黎搵我   我比衰 Line Range 嚇死呀   佢間唔中就話唔知咩 Promo   但我教靜音家嘛   佢係都會叫一聲 yes 定咩   麻鬼煩   咁啱同家姐傾緊   我聽到無啦啦有人叫咁喎   嚇得我以為家姐咩事   再睇電話原來係 Line Range 叫   之後再聽到家姐講嘢   我個心先定落黎咋   之後即 delete 呢個 game   唔係遲早比佢嚇到命都無呀 ~    

番到屋企浸菜同開機洗衫   之後抖陣   7 點先開始煮嘢   咁啱里奧大人打黎話放工   不過我食先 lu   我想 8 點前食呢   等到佢番黎再淥比佢食 ~ 

是日懶餐 - 招牌水餃 + 腐乳通菜  

招牌水餃 - 今次同里奧大人講明唔煮麵   因為 10 隻都好飽下 ~

腐乳通菜 - 喺百佳買 1 pack 都係 $4.9 咋   勁平   其實我鍾意食通菜   不過 d 人話食得多會抽筋   所以我唔敢食咁多呢 ~

今晚等埋里奧大人番黎食埋   幫佢洗埋碗先沖涼   但我本身係諗住沖完涼先食   咁樣舒服 d 嘛   但個人好攰   咩都亂哂籠添 ~

等埋里奧大人沖涼就一齊食榴槤同睇心計   不過今晚 11 點就瞓喇   勁攰 ~