蟹柳雜豆辛辣麵 ( 15-MAY-2014 )

( 15-MAY-2014  THU )

今朝好焗熱呀   好似吽雨咁   勁辛苦呢 ~

食完早餐就睇報紙啦   點知渠王又坐埋黎   好煩啦   因為呢個卡位得個半位   果半個位用黎擺袋   佢又坐埋黎喎   迫到死   再前面有個位又唔坐   我好怕一早見到佢架   成日講呢個講果個   是非做人情   最唔鍾意囉   唉   我仲諗住 9 點番到菇場   點知都要 9 點 05 分先番到   仲要同遲到大王同一架 lift   真係頂佢囉   原來佢可以 9 點 05 分番到菇場   咁之前就咪日日番 9 點半累全家啦 ~       

忙下停下又忙下   不過隻手好鬼痛   真係想 hea 囉   哈 ~

11 點幾媽咪打黎話血壓又 200   不過就唔辛苦   塊臉同耳仔又無紅   又無氣促   但都係照打去平安鐘入院   救護員黎到再量血壓又降番 170   不過都係高架喇   所以都係入院 check 下   順便問埋醫生點解血壓時高時低囉 ~

之後打比家姐   佢話媽咪尋晚打比佢話血壓好高   不過就唔辛苦   咁唔怪得尋晚 7 點幾無啦啦打比我啦   因為我放工已經打咗比佢嘛   我都覺得奇怪佢打黎   所以問佢打黎做咩   佢話問下我食咩嘢喎   但我果刻無諗到佢可能唔舒服喎   因為把聲好精神嘛 ~   

Lunch 要去入票喇   個天又開始黑嗮咁   所以買車仔麵番菇場食 lu ~ 

媽咪 3 點幾打黎話血壓正常   感恩感恩   不過就要再 check 下先可以番屋企   咁都好   真係唔好再嚇我喇   呢排心血小到不能再小呢 ~      

差唔多放工媽咪打黎   已經番到屋企添   一切正常   最搞笑係醫生話媽咪喺陌生環境可能驚   血壓就高囉   但我想講話媽咪都去慣醫院架喇   因為成日要覆診嘛   都唔係陌生啦   哈 ~

里奧大人上咗大陸   所以今晚自己食咋   沖完個涼先煮麵   雖然開咗冷氣   不過一路食都好鬼熱呀 ~

是日懶餐 - 蟹柳雜豆辛辣麵  

蟹柳雜豆辛辣麵 - 我好小食蟹柳架   不過又唔想食雜豆麵咁寡   但又唔想食丸喎   所以就諗起冰格有 pack 蟹柳   因為我之前諗住整蟹柳沙律比家姐嘛   如果唔係咁   我唔會買蟹柳   因為我麻麻地鍾意食呢 ~

里奧大人 9 點幾番到屋企   實在太好喇   因為平時起碼 10 點幾先番到嘛 ~

今晚 11 點瞓喇   真係好鬼攰囉 ~