雜豆鯪魚餅 + 娃娃菜 ( 20-MAY-2014 )

( 20-MAY-2014  TUE )

雖然我勁怕熱   不過落咗咁耐雨   真係好想見到陽光呢 ~

今朝食奶油脆豬   其實幾好味架   但就唔可以日日食   因為都幾甜   依家轉咗飲咖啡小奶   發覺杯咖啡真係熱好多架喎   咁先係家嘛   我真係好怕飲暖嘅咖啡奶茶   唔知點咁 ~

菇場唔忙   但間唔中都有 d 嘢做   無得 hea 住過囉 ~

Lunch 出去食酸辣紅薯粉   最鍾意食煙煙韌韌嘅嘢   我又鍾意食雞軟骨   同埋雞肶雞翼嘅掟   仲有排骨果 d 軟骨   越硬越好咬   嘩哈哈   所以里奧大人成日話我會咬崩牙   同埋會胃痛   不過我覺得自己好似狗仔就真   哈哈 ~

3 點幾無啦啦個天黑哂   之後行雷閃電再黃雨   落還落   最緊要放工唔好落雨就得喇 ~

好在放工落毛毛雨   咁就可以去街市附近買鯪魚肉喇   如果落雨就唔買到架喇 ~

番到屋企即浸菜同醃鯪魚肉   抖多陣就煮喇   今晚都有炒麵   不過就咁加甜豉油炒咋   再整多碟皮蛋酸薑比自己食   初初諗住煮飯之前食   點知最後都係煮完飯先食 ~

搞掂哂都 7 點半   咁啱里奧大人打黎話放工   咁我都唔食煮   沖咗涼先   之後再食   但就唔等佢一齊食啦   好餓呀   哈 ~

里奧大人次次都會打黎問食咩   我會話其實唔知食咩咪仲有驚喜    呵呵 ~   

是日懶餐 - 雜豆鯪魚餅 + 娃娃菜  

雜豆鯪魚餅 - 加咗 d 雜豆同海皇醬又幾好味喎   同埋有 d 口感   我覺得自己最勁係記得落生粉   因為好多時煎嘢都唔記得落生粉呢 ~  

娃娃菜 - 今晚食住 1 pack 先   聽日再食埋另 1 pack   一係唔食   一係一食就連食 2 晚 ~

又係 11 點幾先瞓   其實番到屋企真係無咩私人時間   但我又慣早瞓   如果要我 2 點先瞓   我恐梗都似   哈 ~