翠園 @ 九龍灣 ( 17-MAY-2014 )

蝦籽琵琶豆腐 - 叫比媽咪食咋   我對豆腐無咩興趣

鐵板叉燒 - 都好貴啦   唔知 $78 定 $88   但得 5 嚿咋   仲要唔係好食喎   不過最有驚喜係叉燒底有 d 蠔油豆   甜甜地好好味架   細個成日食   大過反而無再食   依家食番又覺得幾好味噃  

廣州文昌雞 ( 半隻 ) - 仲以為新鮮雞添   不過呢碟食唔哂   所以我打包拎番屋企   佢地話雞肝補血喎   所以依家佢地一見到 d 乜肝物肝就會話補血   叫我食多 d 呢 ^^

拔絲咕嚕肉 - 完全無拔絲嘅感覺   不過就唔多油   呢樣最好囉

富貴鮑魚炒飯 - 里奧大人成日都話   叫 3 個白飯都 $30   咁不如叫炒飯仲抵   哈

d 魚仔太乾啦   原來鴻星真係最好味   哈哈

我鍾意呢 d 有耳柄嘅薄身杯仔   易飲好多架

如果唔小心郁到張枱   所有毛巾都會跌哂   呵呵   

( 17-MAY-2014  SAT )

今朝又係 8 點起身   諗住去食開果間餐廳   不過見到另一個同事入去   佢應該約咗渠王   所以我即轉場喇 ~

菇場所有大粒都唔喺度   發大達咯   可以全天侯 full screen 上網   但 12 點 30 分先有嘢做   好在 15 分鐘搞掂   最緊要唔好阻放工呢 ~

放工同里奧大人一齊去旅行社問資料   去到都 1 點半   咁啱稻香開始派飛飲下午茶   所以叫里奧大人去拎飛   問完資料就啱啱好 2 點去飲茶 lu ~

之前覺得去譽宴飲到好悶   不過食完稻香呢餐之後   我覺得譽宴好味好多囉 ~


川汁抄手 - 一般啦 @@

金粟花姿餅 - 唔熱又好油囉 @@

鴛鴦雙潮 - 全場最熱係呢籠點心   都幾好味架   皮薄又煙韌   我最鍾意   嘻嘻

鮮蝦腐皮卷 - ok 啦   不過就無咩餡料

吉士煎軟糍 - 影出黎張相好吸引架   點知原來係咁嘅樣   又係無味嘅

胡椒枝竹豬肚 - 鹹囉   無胡椒味   最慘唔熱囉   唉

朱古力咖啡 - 里奧大人話 $6 杯好平   試下喎   可能有驚喜喎   唔熱又無味   不過部咖啡機好感激佢就真啦   就係比里奧大人叫 1 杯   佢先可以 run 下   哈

佢應該想做水點   不過我覺得整到好似喊樣咁   哈哈

3 點幾飲完茶就行德福啦   因為今晚都喺德福食飯   家姐叫我唔駛番屋企啦   行到食飯為止   玩嘢 ~

個人勁攰架其實   所以去完 Zara 買 2 件線衫就番屋企喇   勁開心呀   因為件線衫只係 $149   同 GAP 一樣價錢   質地又係好舒服   其實我多數買 1 pc 或者長 tee   但依家要買番 d 短 tee   上年喺泰國買咗 d 瀨屎褲   無理由襯長 tee 家嘛   好怪囉 ~

5 點番到屋企   抖到 5 點 45 分就出門口喇   Book 咗 6 點半喺翠園食飯   不過叫媽咪 6 點去到   咁坐低睇下食咩   家姐同姐夫 6 點 15 分都到埋   咁再傾下食咩都已經 6 點半   要 order 添喇   因為 8 點要交枱呢 ~

食下傾下   之後侍應叫埋單先知原來已經 8 點   家姐姐夫就行德福   我地就送媽咪 工人去的士站呢 ~

超勁焗熱呀   番到屋企即沖涼喇   之後就一齊睇電視   咁又打下機啦   里奧大人就整其他嘢   再望下鐘原來已經 1 點   嚇啦   要即刻瞓喇 ~