蒜蓉豆豉蒸排骨淮山 + 蜜糖雞翼 + 芥蘭 + 松子仁炒飯 ( 2-MAY-2014 )

( 2-MAY-2014  FRI )

尋晚瞓得唔好   今朝超級勁攰呀   勁想唔番工   不過唔得啦 ~

早餐食奄列餐   食飽 d 精神 d ~

菇場忙呀   不過 11 點幾就搞掂哂   真係要抖抖咯 ~

Lunch 買車仔麵番菇場食   順便幫埋 PMS 買   因為佢想瞓覺   但我話我腳痛   所以買完會即番菇場   我番到菇場嘅時候佢仲瞓緊   我叫一叫醒佢   佢應咗我一下話唔該之後我就走喇   不過佢原來繼續瞓   仲瞓到 1 點 15 分先起身食   勁呀 ~

勁眼瞓呀   放工即走啦   今晚 5 點 53 分先有 11X   所以我差唔多 6 點 15 分先到醫院   不過依家唔駛買嘢食比媽咪   我都唔會打的   慳番唔小架 ~

家姐今晚拎張櫈比我   所以我 7 點半一定要走喇   約咗 8 點喺屋企停車場交收   好在里奧大人又啱啱番到屋企樓下   咁叫佢黎停車場幫手拎番屋企喇 ~

番到屋企勁忙啦   因為要煮飯呀   因為 d 餸已經醃好咗   咁媽咪又唔會咁快出院   如果唔食就
要掉   所以我點都要煮囉   慘 ~

好開心今日終於用番自己部相機   Canon 真係好唔錯啦   有送貨服務   因為我喺菇場交收唔太方便   所以就送貨去里奧大人公司喇   呵呵 ~

是日晚餐 - 蒜蓉豆豉蒸排骨淮山 + 蜜糖雞翼 + 芥蘭 + 松子仁炒飯  

蒜蓉豆豉蒸排骨淮山 - 媽咪比咗 3 條淮山   咁尋晚已經浸好咗   所以今晚一定要食   但媽咪多數就咁烚黎食   我就上網睇到可以加埋排骨一齊蒸   咁樣就會惹味 d 呢人地   我 d 蒜蓉豆豉唔夠味   正確黎講無味   嘩哈哈哈哈 ~  

蜜糖雞翼 - 其實呢個餸應該係另一餐黎架   我諗住一晚煮排骨淮山   一晚就煮雞翼同芥菜   但兩樣肉都醃咗   聽日又出街   所以唔食唔得囉 ~     

芥蘭 - 尋晚浸好咗   又係一定要食 ~

松子仁炒飯 - 本來諗住蒸熱 d 飯就算   不過隻鑊蒸緊排骨   所以我就用 grill pan 炒飯啦   順便清埋 d 松子仁   嘻嘻 ~ 

搞掂哂都已經 10 點   超級勁攰呀   抖陣先沖涼 ~

今晚差唔多 12 點先瞓   好在聽日 off   唔係暈都似   哈 ~