黑椒牛柳扁意粉 + 辣菜甫唐生菜 ( 13-MAR-2019 )

( 13-MAR-2019  WED )

今朝里奧大人 10 點喺九龍灣見客   咁可以陪我食早餐喇 ~

菇場忙呀   不停係咁做   對手無停過 ~

縮埋一嚿咁瞓好得意

里奧大人見完客都 12 點   之後 2 點半去尖沙咀見客   所以又陪到我食 Lunch 喇   開心開心 ~

燒汁豬肶肉飯

海南無骨雞飯

食到 1 點 10 分左右就送佢搭巴士   之後我就再買個包比佢做早餐   番到菇場啱啱好時間開工 ~

今日里奧大人喺尖沙咀見客   叫佢見完客幫我去拎藥   咁我又唔駛特登去拎呢 ~

忙到顛咗   放工前都未搞掂   不過我唔想 OT 囉   因為做到個腦已經實哂 ~

里奧大人 5 點幾已經番咗屋企   見佢做緊 Meeting Report   咁我都預備晚餐   可以早啲食 lu ~

是日懶餐 - 黑椒牛柳扁意粉 + 辣菜甫唐生菜

黑椒牛柳扁意粉 - 又係星期一喺青林買㗎   食埋呢 2 塊就搞掂   真係好味道   不過唔可以食太多牛   因為好燥呢 ~

辣菜甫唐生菜 - 一連兩餐唐生菜   所以要加啲辣菜甫調味一下   哈哈 ~

勁攰呀   但點都要大清潔廚房   搞掂哂就開機洗衫   都已經 8 點半喇 ~

我沖埋涼就休息喇   之後家姐 Send 咗 Berry 晶片號碼比我睇   勁開心啦   終於領養佢 ~

講真   相處咗 4 個月   我都唔捨得啦   何況家姐同工人 ~

最搞笑之前姐夫驚 Berry 太大隻   所以叫家姐想養就養細隻啲嘅   但點同喎   有感情嘛 ~

工人都唔捨得 Berry   所以上次我去家姐屋企   同埋家姐一齊係咁叫佢同先生講話要 Berry   話如果 Berry 無人要好慘   同埋唔知有無人帶佢睇醫生 ?!   嚇到工人眼紅紅   哈哈    之後佢話先生依家瞓咗   講唔到啊   我哋話第日先講   之後佢真係同姐夫講話想養 Berry 呀   算佢啦   哈哈 ~

我睇晶片號碼嘅時候   有 1 組號碼真係整定 Berry 係家姐咁   最搞笑家姐話糟糟又係咁講 ~

不過真係個個都好錫 Berry   有玩具有狗帶   家姐都話佢以前啲狗咩都無喎   哈哈 ~

Berry 張新床仔要接近 $900   我張床褥都係三千幾咋   仲大張過佢好多喎   依家狗仔嘢真係好貴   不過養得佢   真係想比佢好啲嘅   之後佢再大   可能瞓梳化都未定   哈哈 ~ 

糟糟送比 Berry 姐嘅真皮狗帶   一條接近 HK$800   我覺得好貴囉   Berry 姐好幸福呀   咁多人錫佢



里奧大人做個 Meeting Report 做到成 10 點   辛苦了 ~

雖然我肉體上好攰   但真係好想睇 Youtube   所以睇到 11 點 40 分先瞓呀 ~