公司春茗 ( 9-MAR-2019 )

( 9-MAR-2019  SAT )

今朝自己食早餐   有啲唔慣呀   哈哈 ~

菇場唔忙   繼續寫 Blog ~

里奧大人今日約咗水姑去睇嘢   咁我放工都去家姐屋企探 Berry   今次家姐都係屋企喇 ~

1 點半就到家姐屋企喇   真係勁快 ~

一入屋 Berry 係咁撲我   家姐又話佢好掛住新媽咪喎   又話佢依家係新姨媽呀   救命 ~

之後又話 Berry 依家都係喺寄養家庭住緊   因為新媽咪唔得閒理佢   哈哈哈哈 ~

有新玩具咬呀   原來家姐買咗好多玩具比佢咬㗎   之後有隻豬仔   比佢咬兩咬已經爛咗

梳化都咬爛埋

啤啤共

我覺得佢好似隻狼

2 點要開餐喇   唔想太晏食嘢 ~

工人整嘅西芹炒雞柳   估唔到好味喎   依家開始有心機煮嘢了

2 個印尼撈麵   但點解份量咁多嘅

衰女包埋嚟舔咗一下呀   唔辣咩 ?!

食完又陪 Berry 玩下   我最想佢快啲瞓覺   咁我可以抱住佢瞓嘛 ~

係咁索我   未見過我咩   哈哈

根本係眼瞓嘅眼睛

衰女包係都唔瞓   上次 3 點 15 分瞓家嘛   今日成 4 點 15 分先想瞓   見佢喺露台張毯度瞓   我即抱佢   佢真係好眼瞓呀   我抱住佢瞓   我同家姐點搓佢   佢都唔開眼   仲瞓到有鼻寒聲呀   勁得意 ~

咁樣睇 Berry 真係好大隻   之前細細隻將佢擺喺心口   仲驚起身唔記得佢喺度添㗎   哈哈

點摸都得

起身 lu

佢瞓咗 15 分鐘左右就超級精神喇   但我 4 點 40 分都走人 lu   本來家姐話叫埋工人抱住 Berry 送我   但我話依家 Berry 成日郁郁共   驚工人甩手   所以都叫 Berry 唔好送我喇 ~

約咗阿後 5 點 15 分   4 點半先話改 5 點半   好心一早講 5 點半啦   麻鬼煩 ~

我 5 點 25 分就到咗酒樓附近   咁 Whatsapp 佢知啦   到 5 點 31 分都未見人   就 Whatsapp 再打比佢   但佢無反應   咁我等到 5 點 33 分都去酒樓   都費事等佢   次次遲到麻鬼煩 ~

之後佢 5 點 36 分先打比我   話仲等緊車   我話我已經到酒樓啦   都費事同佢講多句   我心諗妳係咪有問題呀 ?!   約人 5 點半   但 5 點 36 分先打嚟話等緊車 ?!   係咪 5 點 25 分都應該同我講聲先呀 ?!

佢到酒樓見到我   笑住話好在妳醒目上咗酒樓先咋   我好自然覆佢   梗係啦   妳成日遲到   之後佢黑咗面   但我無理佢 ~

今晚 7 點開始   但 10 點 45 分先完畢   反而越近就越遲 ~

家姐 Send 比我   我頭先都話 Berry 今晚一定好好瞓   哈哈

好少見佢呢個樣呀   好似好神氣咁

番到屋企都即沖涼   差唔多 12 點先瞓呀   聽朝仲要早起身 ~