北越牛肉粉專門店 @ 北角 ( 16-MAR-2019 )

炭燒豬頸肉撈檬 ($56) - 好味道   但無諗過份量咁多



香茅豬扒湯河粉 ($51) - 豬扒醃得好夠味



好大個碗

椰汁綠豆冰 (+$6) / 椰汁三色冰 (+$6) - 里奧大人想飲檸蜜   我話飲綠豆冰清熱呀   佢想食生牛肉牛丸河   我話無特別啦   食香茅豬扒好啲   之後講番都覺得佢好慘   哈哈  

( 16-MAR-2019  SAT )

今朝瞓到 9 點都起身   沖埋涼就去食早餐 ~



本來今朝 Book 咗做婦檢   但因為每月一到未清   所以做唔到   咁無計啦   我都費事改假紙   請 A/L 算喇 ~

食完番屋企抖陣   搭巴士去北角   再轉 63 號去赤柱 ~

去到赤柱都差唔多 1 點   行一陣就去食嘢 ~

雖然唔曬   但無咩風

望住個海確實舒服

又有呢啲

里奧大人好奇怪點解馬莎咁細間   我話呢間係 M & S Food 呀

攪攪震無幫襯 @ G.O.D.

靚呀

呢個小朋友明明踏緊單車   之後索性企身玩泡泡

另一個小朋友都一齊玩   係開心嘅   哈哈

我都好想玩   哈哈

叔叔比個小朋友玩支 Bubble Gun   佢好開心呀   

都係大大個 Bubble 吸引啲   哈哈   因為我都好想玩呀

睇完就去搵食   我一睇餐牌就有人來招呼我喇   不過食物唔係咁啱我

上網睇有咩好食   又唔想食德國豬手   所以揀呢間 Cali-Mex Bar & Grill 喇 ~

卡位就可以自己斟啤酒 ?!   不過我無飲呀

我頂唔順同里奧大人講話好刺眼呀   所以佢話同我調位坐

墨西哥薄餅 (半份 $88) - 我地揀香辣牛肉 (+$10)   

半份嘅份量都好多呀

好味道呀



小食拚盤 (2人) ($168) 
Cajun wings, chips and guacamole, chorizo and camembert bites

Cajun wings 好入味呀

Homemade corn chips - 無咩味   同埋好硬   哈哈

炸金文華芝士粒 - 我同里奧大人講話係芝士粒   佢即話留番最後食   咁我都跟佢咁做啦   果然無錯   食半粒已經好漏喇 

食完又周圍行陣   但無咩嘢行   哈哈 ~

今日無咩風   我覺得有啲熱   同埋呢排嚴重失血   所以個人好攰咁   唉   本來諗住貧血好番啲  點知又來個每月一到   所以呢期真係要早啲瞓   夠瞓先養到血呢 ~

開始又曬又熱喇

周圍行下

好舒服

@ 赤柱海濱長廊

之後行咗 2 轉赤柱大街   哈哈

里奧大人似乎幾鍾意昆蟲 

剪甲鉗套裝   $20 抵爆

好有特色嘅屋   真係有人住㗎

大樹好遮蔭

呢個塗鴉好得意

預備走人

街頭表演

4 點半左右坐 63 號出去北角   上車勁好瞓呀   不過真係好怕坐車入赤柱   太多灣喇   有啲頭暈暈 ~

我離遠見到架電車   問里奧大人究竟有無郁㗎 ?!   我見啲人好似直行直過咁嘅    之後我企定定望真啲   原來係郁嘅

                                  

去到北角又周圍行陣   買咗包白菊花同桑椹   行到差唔多 5 點半就去餐廳   估唔到仲可以叫午餐添呀 ~

食完就搭車番屋企   去到巴士站見到巴士嚟緊   咁啱菜菜仔覆里奧大人話佢喺北角   咁我哋都搵佢傾陣偈啦   難得佢喺度 ~

菜菜仔一見到里奧大人就話佢精神咗   尋晚 Ivy 都話里奧大人精神咗同埋開心咗   感恩 ~

但佢話好奇怪   頭先完全收唔到里奧大人 Whatsapp   如果唔係都可以早啲見面 ~

傾咗半個鐘   就一齊行去搭車   佢有事要做   所以唯有下次再食飯啦 ~

番到屋企都 8 點幾   沖埋涼就睇戲 ~

我 11 點幾都瞓覺先喇   今日出咗好多汗好攰呀 ~