今朝 5 點半起身 沖埋涼關哂所有制就出門口喇 ~
我哋坐直通巴去深圳灣口岸 我唔係咁鍾意去羅湖 因為太多人呢
第 1 次咁早到 哈哈
里奧大人話差 d 掉咗張車票 因為以為係買嘢嘅收據
我哋坐第一班嘅深圳灣口岸直通巴士 勁舒服呀 我不知幾好瞓 爽呀
天陰陰
8 點唔夠都到茶餐廳喇 估唔到好多人喎 但感恩有位呀 可以慢慢嘆早餐 依家里奧大人會預好多時間比我食早餐呢 ~
深圳灣口岸只得 1 間茶餐廳
餐蛋公仔麵 (RMB30) - 都算貴喎 但味道都 OK 㗎
咖啡都唔錯
@ 港風堂茶餐廳
原價又折扣 但其實最後都係 RMB60
咁我去埋洗手間就再番去茶餐廳 去完洗手間之後落勁大雨呀 我又無帶電話同雨傘 但點都無可能行到去餐廳囉 因為一定全身濕哂 咁我望到個男人好似開雨傘行去茶餐廳方向 我膽粗粗叫佢遮我去餐廳呀 估唔到佢仲係香港人 但佢好驚話茶餐廳喺咪好遠㗎 ?! 我話唔遠㗎 再指住前面 佢遮完我過去 之後佢再行番去更亭方向 我仲以為佢本身都係行我呢邊添 真係好感激佢呀 ~
轉右邊就係餐廳喇
9 點集合 編好哂座位編號就最好 唔駛啲人成日爭來爭去 ~
今次係跟大航假期 (古龍峽玻璃峽谷純玩 3 天團 $999/人 另 60/天服務費) 希望好玩啦 哈哈 ~
雨過天不晴
我哋坐呢架旅遊巴
19-20 號係中間位 上落樓梯勁方便 哈哈
每人送 1 張數據卡
10 點 40 分有個 Break 可以去下洗手間
@ 麻涌服務區
好 "高級" 嘅旅遊巴 哈哈
車廂都乾淨
第 1 次跟大航假期
呢個座標幾特別
12 點 50 分到餐廳 今次係 11 人一枱 我哋同一對夫婦 + 7 人家庭 (5大2小) 一枱 ~
去酒樓食飯喇
熱烈歡迎大航假期 貴賓團蒞臨
原來仲要上一層先到酒樓
地方唔係好大
全枱得 2 個男人 哈哈 不過有個女人唔用公筷囉 所以我哋會睇住佢夾咩 我就唔夾喇 ~
@ 僑豐酒家
白切走山雞 + 筍幹燜鵝宴
圓肉雞腳湯 ?! 幾好味道 但好油 所以只飲咗少少
唔知咩 又係好油咁 所以唔敢食
呢隻雞好味
無食魚呀 驚有好多細骨
生炒排骨好味呀 個皮炸到好脆 呢個簡直有驚喜呀 哈哈
油泡蝦 食咗 1 隻 都好味道
炒魷魚好味道
呢個唔知咩 但辣辣哋都唔錯
苦瓜炒蛋 正呀
好似係豆腐
炒生菜
炒椰菜 呢餐啲餸都好多油
司機開定門等我哋喇
2 點就出發去古龍峽 我哋嗰枱嘅 5 個女人坐喺我哋前面 2 行 但成日講嘢 領隊都忍唔住叫佢哋唔好嘈住 要留心導遊講嘢 最後連導遊都忍唔住同佢哋講 話請等佢講完先再同朋友商量 真係最怕呢啲人 影響哂全部人 ~
差唔多到古龍峽喇 坐車影㗎 都算清楚啦 哈哈
差唔多 2 點半就到古龍峽 勁期待呀 但知道會落雨 都有啲唔開心 但天晴行玻璃橋又好鬼驚喎 哈哈 不過最緊要里奧大人心情無受影響就得喇 ~
終於到古龍峽喇
有隻蜥蝪
得呢間酒店
帶哂行山裝備
導遊話集合地點係古龍峽 LED 位置等 但我哋個個話望唔到喎
講完等咗陣就出現喇
行入去喇
繼續行
條龍好搞笑
玩激流
我肯定坐橡皮艇都驚 哈哈
去遊客候車處 我仲以為行上去就到玻璃橋添 哈哈
好多龍呀
望番落去
拎埋入場劵就開始行喇 勁多人呀 仲打乾雷 睇嚟一陣都會落雨㗎喇
等車期間同團友傾偈 佢話嚟過 2 次都係落雨 始終上山 雨水係特別多嘅 ~
@ 侯車室
排咗 20 分鐘先上車
好多人呀 又熱喎
每人有 1 把大航扇 里奧大人快手影 所以濛咗
開始正式行上去喇 呢個團友話要行 10 層樓 所以叫我慢慢行 我話放心啦 我想快都唔得 哈哈
里奧大人話要穿護膝 因為太耐無行咁耐 又上上落落 其實我都高估自己諗住唔駛穿 好在最後都穿 唔係落唔到嚟 哈哈
仲笑得落 但已經好鬼熱 流哂汗喇
要抖下
好多救生衣
@ 九龍亭
@ 萬丈瀑布
萬丈瀑布
企呢個位影相好鬼正 係因為勁涼 哈哈
里奧大人去旅行好鍾意幫我影相㗎 又好有心機影 如果陪我揀衫係咁就好喇 哈哈
如果無咁多人就好了
行到呢度 已經爆汗 但只係行咗 4/5 咋 所以好肯定今晚好好瞓 哈哈哈哈
呢個位就涼喇 所以里奧大人叫我抖下
雖然有鐵鍊 但覺得幾危險
水車
古龍峽漂流
我細個就係成日見到棵樹係咁樣 仲要次次都喺度笑 但家姐話棵樹係無樣喎 所以我好肯定見鬼 哈哈
點睇都係恐怖 哈哈
行咗好耐都未去目的地咁 我哋已經流汗流到好似喺水入面撈上嚟咁呀 人生第一次咁流汗 今次真係好難忘 哈哈 ~
件衫濕哂 變咗深藍色
望到大自然景象係吸引嘅
有啲人行到瀑布底
左右兩邊都可以行 但右邊無咩人行 所以我哋行 哈哈
見到我嗎 ?! 哈哈哈哈
青山綠水 唔熱嘅時候望就舒服 熱嘅時候望住 點望都係覺得熱 哈哈
一陣就會行㗎喇 開始有啲驚添
見到條吊條嗎 ?!
港女自拍
又見到隻艇 係求其擺定咩呢 ?!
辛苦里奧大人成日幫我影相 哈哈
就到喇
千奇唔好着裙 不過行呢啲地方又應該唔會着裙嘅
恐龍 ?! 關咩事呢 ?! 哈哈
4 點唔夠就上到嚟喇 要靠里奧大人影相了 因為我會驚的
好似十字架
望到下面嘅瀑布
我行完之後同里奧大人講話唔驚喎 佢話梗係唔驚啦 行紅色膠墊咩都見唔到 哈哈哈哈
行完之後落勁大雨 覺得氣溫即刻低咗 10 度咁呀 之後等到落毛毛雨就繼續行去玻璃橋喇 唔係唔夠時間呢 ~
企喺度避雨 好在佢哋無咩生意 唔怕阻住
好多人企喺呢個亭避雨
咁樣避雨
我哋企另一邊
要咁樣開遮先可以擋雨 大風大雨 當堂好鬼凍添呀
睇到呢張相 如果有好多時間嘅話 我會行去橋 叫里奧大人影我 哈哈
吊住喺半空中咁
我哋只行到一半㗎咋 仲未行到隔離條玻璃橋
隻猩猩個樣好搞笑 我唔明點解要整隻猩猩囉 哈哈
見到條玻璃橋嗎 ?!
望到都仲未識驚
全程望落去確係勁驚 所以我同里奧大人講 我感謝神 令我行得無咁驚 因為我喺膠墊上面行 基本上睇唔到下面嘅 ~
4 點半左右終於到古龍峽玻璃峽谷
好天嘅話會有 5D 爆裂效果
落雨行膠墊 咁樣無咁跣
行得好瀟灑
其實如果天晴行玻璃橋 我估我會行好耐 同埋會腳軟囉
里奧大人就行玻璃位置
咁里奧大人叫我行去邊邊影相 我踏出一步話好驚呀 之後佢話唔怕啦 我又再踏 但仍都話好驚呀 有團友喺度笑 哈哈 ~
我死都唔行側邊呀 但里奧大人係都要我企喺玻璃位置 都糾纏咗成分鐘先影到呢張相 但我都係唔敢企喺玻璃位置
真係好想睇下點樣建造呢條橋
又要再迫我行埋呢邊 但我點都無企喺塊玻璃上面 哈哈
都係拎遮 但如果係遮太陽就開心好多呢
我影㗎 全程影咗 1 千零 1 張 哈哈哈哈
到終點喇
呢度係賣山水豆腐花的
行落山 今日真係由頭頂濕到落腳趾呀
衫都變為深藍 因為濕哂
行極都未完 哈哈
侯車處無哂人 lu
仲有好多吉車
估唔到仲未收舖
差唔多到地面了
初初睇相 以為樓上係停車場呀 哈哈
見到班團友 仲以為自己遲到 但其實仲有 15 分鐘先集合
今日係咁上上落落
無哂人咁滯喇
對龍眼昅住兩個人
公司旅行
激流
好多青艇
再見
唔知佢哋整啲咩
頭髮同衫褲終於乾哂 最緊要係除咗個謢膝 當堂無咁焗熱
5 點 45 分開車 差唔多 6 點 45 分就去到飯店喇 ~
又唔係好眼瞓 所以都周圍望下
好少見到垃圾車
單車代步
單車汽車
好怕用鐵枝封住 d 窗 好有壓迫感
差唔多到飯店喇 但呢度無咩人咁喎
@ 華府
得我哋幾團人咋
網紅鵝卵石木桶魚
每枱送一碟叉燒
炸子雞
居然有山竹牛肉
炒茄子好味
好大桶嘅蕃茄酸菜魚湯 但我見到真係無咩胃口 哈哈
蕃茄炒蛋 喺大陸食係特別好味
冬瓜燜唔知咩 但個汁好味道
炒油麥菜
炒什菜呀 有南瓜 + 青豆角 + 茄子 呢個餸超級正
燜豆腐都好味道
食完飯就落去周圍行陣 因為想買薯片食呀 咁買完之後仲有 10 分鐘先集合 所以都係番上飯店坐喇 哈哈 ~
靜英英
條街超級闊落
終於見到便利店 但我好肯定頭先坐車見到嘅便利店唔係呢間囉 後尾行番去飯店 原來嗰間便利店已經收咗舖喇
翻轉頭影多張 其實真係黑暗中的一點光 因為成條街都無舖頭開囉
呢度真係人影都無隻
又番來了
坐咗一陣車 差唔多 8 點就已經到清遠維也納酒店喇 ~
@ VIENNA 維也納酒店 (新城北江店)
又見到佢喇
細細個 Lobby
價錢表
一上房真係咩都唔理 即沖涼先呀 ~
房間都闊落同埋乾淨
洗手間都乾淨
可以一路沖涼一路睇電視 但我唔會囉 好驚冷親 哈哈
瞓覺就一定落簾呢
沖完涼 我話要睇 "DO 姐有問題" 但我唔知幾點做 咁一路開住 TVB 等啦 等到 9 點半都未做 覺得好奇怪 唔通改咗 10 點半做 ?! 最後發現原來我記錯咗今晚係星期日呀 ~
咁啱宵夜到 咁又好喎 無得睇有得食 哈哈 我已經盡力食 最後無食到雞胸 因為好 "鞋" 呀 ~
清遠雞 (RMB95) - 應該算係平㗎喇
熱辣辣
睇多陣電視 11 點幾都瞓喇 今日勁攰呀 哈哈 ~
呢日行程完畢 ^^
清遠雞 (RMB95) - 應該算係平㗎喇
熱辣辣
睇多陣電視 11 點幾都瞓喇 今日勁攰呀 哈哈 ~
呢日行程完畢 ^^
沒有留言:
發佈留言