同里奧大人一齊起身 咁我望下個鐘幾點 之後里奧大人就問幾點 ?! 我話 10 點半 佢話講大話 我話佢又要問人又唔信人 佢就話做咩唔講真話 哈哈 其實當時真係只係 9 點咋 哈哈 ~
10 點左右食早餐 今餐就夠飽喇 ~
珍珠雞 & 陳記粉果
一早應該喺 7-11 影咗當擁有啦 哈哈
里奧大人話不如今日同婆婆拜年 唔想拖咁耐 咁即打比婆婆 佢 12 點出去飲茶 咁我話 2 點左右到啦 ~
可以抖陣先沖涼 不過 12 點左右都要出發 因為里奧大人要番公司整啲嘢 咁我同佢啲同事傾住偈等佢啦 ~
里奧大人話去金坊 我問佢係咪好想食泰國菜 ?! 佢話想我回味一下家鄉嘅味道喎 ~
豬頸肉+豬肉丸冬蔭功湯金邊粉 ($48) - 今次個湯底好正呀
香葉肉碎配煎蛋飯 ($46) - 里奧大人好開心指住話要食呢個飯 點可以唔比佢食呀 哈哈
芒果沙冰 (+$6) & 珍多冰 (+$6) - 以前珍多冰好好味道 依家真係唔多掂
食完就去婆婆屋企 感恩婆婆精神都好好 始終我唔係成日見嘛 ~
問婆婆有無出去行下 佢居然又話想出去行 工人話頭先已經行咗一大個圈 同埋話阿姨唔比婆婆成日出街喎 ~
工人話佢自己都好驚中招 仲話放假都無出去同朋友見面 唔想一齊傾計食嘢呀 咁又好喎 始終佢地真係唔會戴住口罩傾計 都係留喺屋企最安全 ~
坐咗一個鐘都走喇 里奧大人話去尖沙咀 咁搭地錢就最方便 ~
一入到去 Harbour City 已經焗到我唔多舒服 又多人喎 但我都要行去 Citysuper 睇下 諗住買包糖 但 Cashier 排長龍 所以即走 lu ~
搭巴士番屋企 好在喺車度瞓咗一陣 起碼無咁攰 但唔係叫精神 ~
我叫里奧大人番屋企先 我去超市買菜 咁我番到屋企 里奧大人話我好勁 咁攰都去超市買菜 我話唔買無得食呀 之後佢話佢攰到完全不在狀態呀 哈哈 ~
開機洗衫就休息喇 唔好講笑 今日好熱所以好攰 ~
抖到 6 點半先預備晚餐 但都要 7 點 15 分先開餐呢 ~
是日懶餐 - 蠔油燜冬菇鴨掌 + 蠔油冬菇扒豆苗
蠔油燜冬菇鴨掌 - 尋晚燜定 但腐竹就 5 點先開始燜 最衰尋晚燜完先見到包腐竹啦 咁一次過燜無咁麻煩嘛 ~
蠔油冬菇扒豆苗 - 依家豆苗係水尾喇 食埋呢轉應該無得食 lu ~
洗埋碗就沖涼 之後休息喇 ~
同里奧大人睇戲 一睇就兩個幾鐘 都好耐無試過喇 哈哈 ~
今晚夜瞓喇 差唔多 11 點 45 分先瞓呀 ~
沒有留言:
發佈留言