辣油沙甸魚炒腸粉 + 韓式辣醬雞 + 白菜仔 ( 19-FEB-2021 )

( 19-FEB-2021  FRI )

感恩一覺瞓天光   我覺得天氣涼涼哋   真係瞓得好好多咁㗎 ~

里奧大人仍然 WFH   所以陪我食早餐 ~

我同里奧大人講   唔記得以前啲人叫老婆做賤乜   佢話係賤內   因為以前啲人好謙卑   之後佢話怕口快快   同佢啲同事講咗賤人   哈哈哈哈   笑死我 ~

菇場唔忙呀   好好享受埋呢一日 ~

Lunch Time 出去行陣   之後就食 Flakes 加乳酪   啲同事以為我會買嘢食番嚟   不過有時唔想食街嘢   所以行完番嚟先食呢 ~

忙咗一陣又可以做自己嘢   所以好快放工 ~

番到屋企都預備晚餐   7 點唔夠可以開餐喇 ~

是日晚餐 - 辣油沙甸魚炒腸粉 + 韓式辣醬雞 + 白菜仔

辣油沙甸魚炒腸粉 - 1 Pack 腸粉 + 1 罐沙甸魚   咁樣炒都幾好味   但我都係鍾意加啲蒜芹   有啲咬口   本身諗住 Lunch Time 去買   但蒜芹實在太大棵   拎住番菇場真係比較樣衰   所以唔買囉 ~ 

韓式辣醬雞 - CP 品牌真係唔錯   特價先入貨咋   呢包好似減到 $2x   但唔知係咪啲皮係唔脆呢 ?!   兩次都係咁   已經用光波爐㗎喇 ~

白菜仔 - 買咗半斤   以前後生真係晚餐係食 1 斤菜㗎   同埋其實我唔知原來係可以買半斤   死未 ?!   哈哈哈哈   係呢幾年先知可以買半斤   又或者可以買十蚊咁㗎咋 ~

7 點幾咋噃   但 Berry 好似好攰咁   鬼咩   成日昅住家姐   唔攰先奇   哈哈

8 點 15 分去徑步   今日好攰   但我都好想出去徑步 ~

又徑咗半個鐘   諗起以前一話做運動就驚咗   但做開之後   就覺得做完運動係好舒服   上年疫情就幾乎全年無運動   因為徑步地方係算多人   呢下真係驚囉 ~

同埋唔知點解   去完大潭水塘之後   我又開始好想徑步   加上依家疫情無咁嚴重   係時候要出動喇 ~

徑咗半個鐘都番屋企   沖埋涼就休息 ~

呢兩晚無食零食   係又唔錯喎   可以無咁肥   哈哈 ~

今晚都攰   11 點唔夠都自己瞓先 lu ~