焗三文魚柳 + 蕃茄南瓜三文魚湯 ( 20-JUN-2021 )

( 20-JUN-2021  SUN )

星期日多數比自己瞓到 10 點   但好多時里奧大人出門口   我就瞓得唔係咁好 ~

今朝醒醒哋   感覺好似已經 9 點   但原來只係 8 點   咁都起身去徑步喇 ~

徑完步就買早餐番屋企食   抖陣就沖涼 ~

$28 勁抵   因為炒麵可以留番做晚餐

好好味呀   估唔到啲銀針粉都好多料

10 點左右出門口   之後去里奧大人公司幫手   又同阿妹傾下偈   佢話上次聽完我咁勤力做運動   佢都開始做運動呀 ~

原來佢一早已經問里奧大人   我今日嚟唔嚟 ?!   里奧大人答好大機會   因為我話要睇時間   我唔想咁趕   如果瞓到 10 點就真係幫唔到手呢 ~

崇拜完畢就等里奧大人放工   咁啱 ASTRO 有新片   所以即 Send 比阿花   佢話喺街都照睇   其實睇片用好多數據   所以佢真係好鍾意車銀優   哈哈 ~

等到里奧大人 1 點幾就要去食 Lunch   食完之後佢就要即刻去開會喇 ~

食剩一半   留番今晚食

我 3 點左右番到屋企   放低蛋糕就去徑步喇   反正自己一個人   今日徑完步   夜晚可以陪里奧大人 ~

番到屋企就做小清潔   之後就煲湯   搞掂就即沖涼   咁就已經接近 5 點 ~

里奧大人 6 點開完會   我都即預備晚餐喇 ~

是日懶餐 - 焗三文魚柳 + 蕃茄南瓜三文魚湯 

焗三文魚柳 - 尋日喺菇場附近壽司店買架   買咗 2 份   但份量真係好多   用三文魚骨煲湯   其餘就焗嚟食   但都食剩一半   咁聽晚再食埋去喇 ~   

蕃茄南瓜三文魚湯 - 今次材料係 6 個蕃茄 + 半個南瓜 + 2 片三文魚骨   估唔到里奧大人話好飲好 Creamy 呀   好少聽佢話啲湯好飲   哈哈～

洗埋碗就沖涼   食自家制蛋糕   係里奧大人同事嘅朋友整㗎 ~

好味呀   里奧大人同事話有啲辣辣哋   但我呢兩件無喎   呵呵

阿妹比我㗎   應該係用紫薯整呢

差唔多 9 點就睇 "德魯納酒店"   但我 11 點唔夠都要瞓   里奧大人就自己繼續睇 ~