Hungry Korean @ 九龍灣 ( 4-OCT-2021 )

鐵板燒辣豬肉 ($60) - 開頭食係辣辣哋   但食到最尾就好甜

份量係咪好多呀 ?!   所以真係好抵食

泡菜湯 ($52) - 今次到里奧大人要食湯飯   真係估佢唔到

雞翼 (甜辣味) ($48) - 咁嘅價錢   我以為起碼有 6 隻啦   點知得 4 隻   好唔抵食囉   同埋無咩特別

( 4-OCT-2021  MON )

感恩一覺瞓天光   臨起身發夢   里奧大人同我食飯   但佢突然間諗起公司有嘢要傾   仲即刻跑去上人地架車   之後仲仆親   激到我醒咗呀   好在係臨瞓前   如果半夜激醒就慘喇   哈哈 ~

呢排真係好攰   但又唔係唔夠瞓嘅攰   總之令到個人唔知點咁   所以雖然我朝早好想去徑步   但呢排都係比自己抖下先   不過如果真係好早醒咗瞓唔番   咁先會去徑步囉 ~

早餐食奶醬多   今朝食咩都無味咁   哈哈 ~

菇場勁忙   但有啲攰   所以要慢動作 ~

Lunch Time 出去行 15 分鐘   之後買粉果燒麵番菇場食 ~

見到 Berry 女就開心哂   好耐無見佢喇   希望佢會掛住我啦   哈哈

無啦啦情緒非常非常之低落   真係有嘢唔做住   想比自己靜一靜 ~

今日里奧大人去剪髮   話夜晚陪我食韓國嘢   佢記得我之前話想再食   哈哈 ~

放工即走   約咗里奧大人喺九龍灣食飯   佢去書局睇嘢   我就行商場   差唔多 6 點左右就去食飯喇 ~

食完都番屋企喇   想早啲休息 ~

沖埋涼再食生果   之後就睇劇   不過我睇到 10 點半都自己瞓先喇 ~