麻辣湯包米粉 + 菜心苗 + 煎薑汁年糕 ( 14-FEB-2024 )

 

( 14-FEB-2024  THU )

今朝里奧大人正式番工   我就仍然放假   因為菇場初六先開工   不過我都起身煲薑茶同整早餐喇 ~

里奧大人先搞笑   話好在我鬧鐵響喎   因為佢熄咗鬧鐘呀 ~

早餐食尋朝食剩嘅丹麥多士   再加件窩夫   咁樣鹹鹹甜甜都唔錯   哈哈 ~

食完抖陣就去藍田拎 Passport   其實入境事務處個指示方向好清楚   係我無留意   所以跟人行咗入商場   但好奇怪一眼望哂真係唔似有入境處喎   所以最後問便利店職員點去入境處   哈哈 ~

等 9 個號碼就到我   感恩 10 分鐘就搞掂   之後就搭車番屋企 lu ~

諗住直接番屋企   但見銀行無人   所以即入去增值八達通銀碼喇 ~

今日只係等 1 個號碼就到我   簡直就係奇境   諗住假期第一日開實會好多人添 ~

搞掂就番屋企休息   雖然出咗一陣   但都好攰咁 ~

家姐無啦啦打嚟問我悶唔悶 ?!   我話唔悶喎   佢以為里奧大人都放假陪我呀   不過我話都無街想去   唔駛特登請假囉   同佢傾下傾下又半個鐘   我話時間咁快過   駛咩佢請假陪我呀   哈哈 ~

咁好難得今日放假   所以同里奧大人一齊食 Lunch 喇 ~

唔熱嘅冬瓜湯

砂鍋辣豬肉飯 + 湯 ($58)

呢個好味

辣醬蕎麥冷麵 + 烤牛肉 ($68)

烤牛肉分開上   但其實放埋喺碗麵上面咪得囉

我最鍾意有青瓜絲   所以無牛肉都可以㗎   哈哈

撈完再加牛肉

越食越辣

食完就去買餸   里奧大人就要番工 lu ~

雖然只係買菜同買雞翼   再買埋麵包   又唔係重   但都好攰咁 ~

番到屋企放低哂嘢   睇多陣 Youtube 都瞓着咗呀   好似瞓咗 1 個鐘都有   哈哈 ~

今晚本來約咗水姑食晚飯   但里奧大人 5 點打嚟話水姑仲有嘢搞緊   所以嚟唔到   里奧大人話出去食   不過我話仲好飽   想喺屋企求其煮個米粉   再食埋年糕仲好 ~

咁里奧大人都準時放工走   但好奇怪咁耐都未番到   所以即打比佢   佢又話喺屋企樓下   點知一開門就見到個蛋糕   話情人節買個蛋糕食喎   真搞笑 ~

6 點左右預備   但 7 點幾先食得   哈哈 ~

是日晚餐 - 麻辣湯包米粉 + 菜心苗 + 煎薑汁年糕

麻辣湯包米粉 - 煮比里奧大人食咋   我食菜同年糕就夠了 ~

菜心苗 - 買咗 1 斤   又要分 3 餐食添 ~

煎薑汁年糕 - 第一次煎都算係咁喇   話哂個樣都似煎過嘛   哈哈   玲玲師父整嘅年糕真係好味道   煙韌又夠薑味 ~ 

洗埋碗再做陣小清潔   搞掂就沖涼   之後就食蛋糕喇 ~

特濃朱古力蛋糕 ($140) - 真係好濃朱古力味   係好味道嘅

Chocolate / Chocolate Cream + Coating Chocolate + Cocoa Sponge + Milk Chocolate Cream + Coffee Syrup + Black Cocoa Sponge   睇見咁多材料   我真係覺得買抵過自己整   哈哈

仍然同里奧大人一齊睇 "繁花"   睇埋聽晚就睇最後一集喇   呢幾日假期都睇到一套劇   算係好快㗎喇 ~

但我 10 點半都瞓喇   里奧大人就繼續睇 ~