譚仔三哥 @ 紅磡 ( 31-AUG-2024 )

過橋米線 (煳辣 3 小辣)

蜜桃乳酸特飲 (+$13)

( 31-AUG-2024  SAT )

感恩一覺瞓天光呀   鬧鐘未響都醒   不過懶床懶到鬧鐘響先起身呢 ~

今朝同里奧大人出去食早餐   次次星期六就可以慢慢嘆   因為餐廳唔太多人 ~

菇場忙下停下   阿渠叫我搵 File   仲同我一齊去倉度拎添呀   真係第一次咁   可能知我病完無咩力   哈哈 ~

放工即走   里奧大人又未放工   所以番屋企放低嘢先 ~

尋日喺一田超市買嘅無花果只係 $59/盒   仲要好甜添呀

抖到 2 點就同里奧大人食下午茶   食到咁上下   家姐話一陣去地鐵站交收   咁樣仲好呀   我唔駛夜晚特登再去 ~

鴛鴦味雞蛋仔   都唔好味嘅

食完就同家姐交收   佢前兩日買咗豬肉乾比我   但無放落雪櫃   所以想快啲比我呀 ~

拎完就去里奧大人公司幫手執房   我一路執   阿妹同叻叻就一路搞搞震   係咁問里奧大人呢隻公仔係咩 ?!   個櫃入面裝咩 ?!   皇上同榴槤經過   又叫佢入嚟睇隻公仔   皇上都忍唔住話似乎阿妹係最開心嗰個   哈哈 ~

家姐比我嘅   本來我諗住拎番公司   因為睇相以為好細隻   點知實物係好大隻   咁我放唔到喺枱嘛   所以我叫里奧大人拎番公司擺   唔好嘥嘛 

諗住一個鐘搞掂   點知執到 7 點半呀   足足 4 個鐘 ~

鴛鴦問我好番未 ?!   真係幾乎每個人一見到我就問我點樣   因為我好少唔同里奧大人一齊呢   哈哈 ~

同里奧大人去譯仔三哥食米線   食完就番屋企   里奧大人就番公司繼續做嘢 ~

開機洗衫就沖涼   今日出咗一身汗   所以沖完涼真係超級舒服呢 ~

家姐喺元朗買咗齋燒鵝同蜜汁豬肉乾比我   咁我鍾意飲檸檬汁   叫佢提我交收完去買   點知佢買咗比我   激到我死死下   因為好重家嘛   之後我話以後唔講話鍾意啲咩比佢知囉   佢話包 Tempo 紙巾係 Soda 好得意   所以比包我試下用喎

里奧大人拎咗 2 個雙黃白蓮蓉比我

睇下 Youtube   里奧大人 10 點幾先番到屋企   無諗過咁夜呀 ~   

今晚 11 點先瞓   呢排真係夜咗瞓咁呀 ~

Saizeriya ( 薩莉亞意式餐廳 ) @ 紅磡 ( 30-AUG-2024 )

中華海草 (雙倍) ($18)

莎樂美腸薄餅 ($36) 

里奧大人話咁快就分咗 6 件

蕃茄煙肉意大利粉 ($30) 

原味雞翼 ($20)

( 30-AUG-2024  FRI )

呢排都仲係有咳   尋晚半夜咳得好犀利   好在里奧大人幫我搓下背脊   當堂舒服好多呢 ~

之後又摸下我個身   話我個身好慶   驚我又發燒   不過我話有啲熱   唔係發燒呢 ~

其實最慘係胃痛同埋膊頭又痛   所以瞓得唔係咁好囉 ~

早餐食芝士條   依家覺得食嘢無咩味道咁添   但飲咖啡又覺得好苦喎 ~

菇場忙咗個幾鐘   原來家姐 9 點半 Whatsapp 我   叫我得閒打比佢    我又係無睇手機   咁打番比佢   佢又以為我唔舒服   我話好忙呀   佢話估唔到喎   哈哈 ~

Lunch Time 出去食豬潤酸菜米線   好想食濃味嘢呀 ~

酸菜好甜   究竟係真係甜定係我味蕾有問題呢 ?!

頭先等過馬路   阿齋叫我   佢咁啱又去買嘢食    到我食完   又見到阿齋   佢啱啱買完嘢食   大家都無諗過咁都又見到呀   哈哈 ~

食完再行一田   感恩買到 2 盒無花果   仲要係快閃優惠 $59.9/盒   勁開心呢 ~

忙下停下又 Skype 下   之後西瓜叫所有人 4 點半入 Show Room 開會 ~

第一樣嘢係講好多同事遲到   因為老闆比佢哋更早番   咁樣唔係咁好睇   呢樣又講得啱   有啲真係 9 點半先番工但準時走   同埋真係唔好以為老闆唔知囉   一加人工就咩都要拎出嚟睇家嘛   咁公司無話妳成日遲到   妳自己都要識做啦   點知仲變本加厲   自己攞嚟衰 ~

之後就話加人工同埋 9 月開始試行唔駛番星期六   呢兩樣真係最開心呀   因為加薪幅度都好高   我係無諗過係咁   所以好感恩好感恩 ~

出番大廳又已經 5 點   坐多陣就放工 lu ~

今晚同里奧大人去搞啲嘢   之後就去食晚餐   食完行陣就番屋企 ~

里奧大人叫我買   我話盲盒唔買啦   一陣盒盒都一樣就慘   哈哈

今晚要開機洗公仔   所以要啲時間   哈哈 ~

搞掂就沖涼休息   睇下電視同 Youtube   今晚 10 點 45 分先瞓覺 ~

黑蒜蔥油拌麵配炭燒雞串 + 澎湖花枝蝦漢堡 (外賣) ( 29-AUG-2024 )

( 29-AUG-2024  THU )

感恩瞓得都唔錯   不過尋晚半夜發咗個惡夢   有人要斬我   我入門口但家姐擋住唔比我入呀   嚇到我醒咗唔敢郁呀   之後無耐又瞓番 lul ~

今朝同里奧大人出去食早餐   食完就番工喇   今朝想早少少番菇場 ~

估唔到家姐又早咗食早餐   真係我早佢又早   又會咁啱嘅 ~

之後又問我有無瘦到呀 ?!   我話無囉   但都要減肥   咁影相靚啲   家姐話肥都未必唔靚嘅    哈哈哈哈   呢句好搞笑呀 ~

菇場忙下停下   阿爽今朝番嚟啦   阿齋話我哋兩個毒后番咗嚟   佢話好驚喎   所以我摸住佢話有咩好驚啫   哈哈 ~

呢兩日骨頭好痛   做做下嘢都要舉起手做伸展   阿爽問我做咩舉手 ?!   以為我叫佢   哈哈 ~

Lunch Time 出去買燒賣粉果   今日都唔行喇   買完即番菇場   唔駛流住汗番菇場真係好爽 ~

BG 問我食咩 ?!   我話燒賣粉果   阿齋番嚟又問我食咩 ?!   我話燒賣粉果   BG 都忍唔住笑話又係要答番同一樣嘢   哈哈 ~

菇場超級忙呀   5 點先做完   好耐無試過咁充實   哈哈 ~

諗住整埋其他嘢   之後家姐打嚟第一句問係咪好唔舒服 ?!   因為我原來無聽到佢電話呀   真係忙到連電話都無望呀   真係好少有呢 ~

放工食埋晚餐要去整嘢   搞掂就再去里奧大人公司   因為佢有 Urgent 嘢要處理   我就番屋企先喇 ~

開埋機洗衫就沖涼   里奧大人 9 點幾先番到屋企   好在我無等佢咋 ~

睇下 Youtube   今晚 10 點 50 分先瞓覺 ~

麻辣手撕雞 (外賣) ( 28-AUG-2024 )

( 28-AUG-2024  WED )

尋晚瞓得唔係咁好呀   今朝仲有啲唔想起身   不過我要面對現實   哈哈 ~

早餐食甜餐包夾芝士   里奧大人今朝番晏啲   當堂好羨慕佢添 ~

食完就靈修 25 分鐘   之後番工 lu ~

菇場忙下停下   不過要幫肥仔豪搵 File   估唔到阿蟲叫人幫我手喎   肥仔豪又話記得有嘢幫手出聲   無計啦   我啱啱病完真係無咩氣力 ~

Lunch Time 出去食水餃河   叫完又唔想食   食剩哂啲河粉   嘥哂啲嘢添 ~

食完行去買菜   好耐無做呢個動作   所以買完之後覺得特別熱呀   哈哈 ~

忙咗一陣就 Skype   輕輕鬆鬆又過咗一日 ~

放工即走   買埋手撕雞就番屋企喇 ~

是日晚餐 - 麻辣手撕雞 (外賣)

麻辣手撕雞 (外賣) - 雖然都係外賣   但真係唔想食外賣飯盒   同埋想食湯麵   今晚食半個福麵就搞掂   里奧大人聽到覺得好出奇   我話因為次次食完一個麵   個胃好脹好唔舒服咁呢 ~

洗埋碗就開機洗衫   沖埋涼就休息休息 ~

睇多陣 Youtube   今晚 10 點 20 分都瞓喇 ~

涼瓜斑腩 & 鮮果咕嚕肉 (外賣) ( 27-AUG-2024 )

( 27-AUG-2024  TUE )

感恩一覺瞓天光呀   今朝起身都好精神   其實瞓咗咁多日好覺   都應該要精神啦 ~

病咗接近一個星期   今日可以番工覺得好開心呀   呢排真係食完嘢食藥之後就瞓   瞓醒食嘢再食藥又再瞓   有時溫溫燉燉到都唔知自己做緊咩 ~

好感激里奧大人成日頻樸咁照顧我   所以有時唔想食嘢都要食   唔係佢仲更加擔心呢 ~

今朝同里奧大人出去食早餐   真係要慢慢嘆番杯咖啡至得喇 ~

食完就去里奧大人公司坐陣   之後都番工 lu ~

菇場勁忙呀   但要慢慢做喇   因為對數字同英文一定要小心 ~

Lunch Time 出去買熱狗   買完都即番菇場喇 ~~

忙到 3 點幾就可以抖下   好耐無 Skype   要慢慢習慣翻打字   哈哈 ~

放工即走   里奧大人本來 6 點放工   後尾有同事捉住佢   最後搞到 7 點先放工   咁佢去買外賣   我就沖涼等食喇 ~

食完就抖下   之後仲可以熨 2 機衫   但啲褲就留比里奧大人熨喇 ~

睇多陣 Youtube   10 點半瞓覺 ~

泡菜汁豚肉鍋 (外賣) ( 26-AUG-2024 )

( 26-AUG-2024  MON )

今朝瞓到 10 點半起身   里奧大人要幫菜仔影相   所以都唔陪我食早餐 lu ~

早餐食甜餐包夾芝士   依家唔係咁想食芝士   好在仲有 1 包要清咋 ~

食完再食藥   之後開機洗衫 ~

瞓下覺又睇下 Youtube   里奧大人就買埋午餐番屋企   原來都已經 3 點了 ~

里奧大人話食豬扒飯   我第一個反應話又豬扒飯 ?!   之後佢都話唔知食咩好   咁我話是但啦   最緊要佢鍾意食就得   同埋佢成日膝來滕去都攰   我都唔敢咁多要求喇 ~   

唔知係咪食咗粒好勁嘅特效藥   隔咗一陣就搞肚痛但無力去廁所   之後覺得係要暈嗰隻   所以大聲叫里奧大人入嚟   我攬住佢之後話好暈   之後都唔知發生咩事 lu ~

   

我起身時聽到有人叫醒呀醒呀   佢話我突然 "嘻嘻" 聲就無哂知覺   大約暈咗十幾秒左右   之後我就醒喇   我醒嘅時候   聽到有人大叫醒呀醒呀 ~

之後全身係冷汗   拿拿聲坐喺梳化   又瞓咗個幾鐘 ~

今晚唔太餓   咁啱里奧大人又要喺屋企補影相   影咗個幾鐘   所以 8 點半先去買晚餐 ~

食完抖陣就沖涼洗頭   抖陣就食月餅 ~

睇多陣 Youtube   今晚 10 點 20 分瞓覺喇 ~

台式滷肉飯 (外賣) ( 25-AUG-2024 )

( 25-AUG-2024  SUN )

今朝瞓到 10 點半起身   食埋早餐就休息下 ~

早餐食腿蛋包   兒時味道   所以食起嚟會好開心   哈哈 ~

朝早唔駛沖涼洗頭都幾爽   感到唔駛做咁多嘢咁   哈哈 ~

食埋藥就睇 Youtube   里奧大人 12 點左右買埋午餐番屋企   食完就要再番工   辛苦佢了 ~

我仍然都係食完藥就休息咁啦   基本上攰到都唔想郁咁滯 ~

呢幾日食藥   食完無耐就好眼瞓   瞓咗個幾鐘就會醒   之後就睇 Youtube   到時間又食藥   之後無耐就瞓   瞓個幾鐘就醒   真係準時過番工   哈哈 ~

里奧大人 6 點幾先番到屋企   抖到 8 點左右就出去買晚餐 ~

我就沖埋涼先食晚餐   真係爽 ~

食完都即食藥喇   又再睇下電影   今晚 10 點半瞓覺 lu ~

泰式乾炒河 (外賣) ( 24-AUG-2024 )

( 24-AUG-2024  SAT )

今朝 9 點半起身但仍然有燒   所以里奧大人要我再去睇家庭醫生   好在佢今日補假唔駛番工咋 ~

睇完醫生就即番屋企   沖埋涼再食早餐   唔係食咗藥就沖唔到涼㗎喇 ~

食完藥再瞓   瞓到 1 點就起身   食咗特效藥真係無喉嚨痛喎   感恩感恩 ~

開機洗衫就休息下   3 點半左右食午餐 ~

呢排睇 BAO Family 一係聽韓文一係就咁齋睇佢哋   好似好耐無聽廣東話咁   不過其實 Youtube 都多數係聽國語   我覺得多嘢睇啲 ~

不過睇下睇下都瞓着咗   無計啦   食咗藥   所以有時起身覺得睇嘅嘢唔同咗   哈哈 ~

里奧大人 6 點左右要番公司做嘢   買埋晚餐   差唔多 8 點半先番到屋企 ~

基本上喺屋企無流汗   我都唔會再沖涼洗頭   因為覺得要花好大氣力咁   我好怕暈 ~

食埋藥又抖下   今晚都係 10 點瞓覺 ~

招牌焗鮮茄豬扒飯 (外賣) ( 23-AUG-2024 )

之前戰勝恐懼唔再怕食豬扒飯   但呢排唔舒服又唔知食咩   里奧大人就只會話豬扒飯   依家又食到驚咗 lu

( 23-AUG-2024  FRI )

尋晚喉嚨超級超級勁痛呀   最慘係吞口水仲痛   所以好似無瞓過咁 ~

今朝里奧大人晏少少番工   可以陪到我食早餐喇 ~

我估呢幾日里奧大人都係買通粉   因為我同里奧大人講話醫生叫我食通粉或者粥

我都係食完早餐食藥   之後又唔知幾點又瞓   瞓醒又睇下電視咁 ~

家姐問我喉嚨痛到火燒咁 ?!   我話係好痛囉   唔知係咪嘅火燒感覺呀   哈哈 ~

里奧大人 1 點左右番到屋企   又係我開餐嘅時候喇 ~

食完藥都係繼續瞓   咁都好   瞓多啲快啲好 ~

里奧大人 6 點左右放工   所以叫佢買埋晚餐番屋企食呢   咁我就沖涼等佢喇 ~

沖埋涼就抖下   呢幾日都係重覆食嘢食藥瞓覺   不過仍然有啲燒同喉嚨痛   所以都係好攰   呆呆滯滯又過一咗一日咁 ~

睇下電視   今晚 10 點都瞓覺 lu ~

泰式濕炒豬肉河 (外賣) ( 22-AUG-2024 )

家姐問我食咩 ?!   我話泰式濕炒豬肉河   佢話做咩唔食清啲 ?!   之後我比張相佢睇   佢話都好清喎   哈哈

( 22-AUG-2024  THU )

今朝 9 點幾起身   所以里奧大人即去買早餐   我話我唔餓㗎   唔駛咁心急去買啦 ~

里奧大人請多一日假陪我   今日仲要係佢生日   真係唔好意思   但佢話實記得今年生日點過喎   呵呵 ~

一早諗住同里奧大人生日就去食泰國菜   咁菜就無得食   但生日利是一定有嘅    

我都係食完早餐就食藥   睇下電視就會瞓着   有時起身都知自己之前做過咩咁   哈哈 ~

1 點幾食午餐   同里奧大人 Share 食半個芝士圈同埋尋晚剩嘅意粉   仍然無咩胃口   只係想食飽食藥 ~

好在冰姑提我買 100 Plus   之前 $7.0 唔買   之後加到 $8.0 都唔買   依家再加到 $16.60/2 支   但唔買唔得囉

食完又睇下電視   之後又係瞓   瞓完又睇下電玩   睇睇下又瞓   真係前所未見咁好瞓 ~

6 點半就食晚餐   其實我唔餓   但里奧大人都要飯晚餐家嘛 ~

食埋碗綠豆沙清熱   但其實真係喉嚨唔舒服嘅時候   覺得無咩效   哈哈 ~

沖埋涼就食埋藥   又係好自然咁瞓咗 ~

睇下 Youtube 就食埋最後一次藥   再抖多陣   今晚都係 10 點就瞓覺 ~

焗肉醬意粉 + 招牌焗鮮茄豬扒飯 (外賣) ( 21-AUG-2024 )

( 21-AUG-2024  WED )

尋晚發冷呀   今朝瞓到濛濛瀧瀧聽到里奧大人掛號   之後佢話要再同我去睇家庭醫生   因為尋晚摸咗我兩次   我仍然發緊燒呀 ~

Book 咗 10 點 15 分   去到只係 10 點   估唔到有得睇呀   感恩感恩 ~

喉嚨仍然超級痛+發燒   不過都攞定兩日病假紙   最多番到工先再嚟改日子呢 ~

里奧大人本身聽日清假   但因為我唔舒服   所以調咗今日清假   佢話諗住休息   但我話依家無得休息 lu ~ 

同里奧大人食埋早餐就去超市買嘢   買完再去睇手機   番到屋企都 11 點半   即開機洗衫   搞掂就沖涼洗頭   食埋藥就瞓覺 ~

2 點左右同里奧大人 Share 食半個芝士圈同綠豆沙   之後食完再食藥   呢幾日都應該過呢啲生活   辛苦里奧大人了 ~

估唔到又 3 點半瞓到 4 點半   其實 5 隻藥有 3 隻藥係食完會昏昏欲睡   所以真係好好瞓咁   哈哈 ~

今晚 6 點半都食晚餐喇   雖然唔係太餓   但想早食早休息 ~

仍然未退燒   所以個人真係好鬼攰   今日沖一次涼就算喇   好在個人無出汗   唔係就點都要沖涼囉 ~

睇下 Youtube   今晚 10 點瞓覺喇 ~