咖哩雞柳扁意粉 + 油麥菜苗拚唐生菜 + 炸魚皮 (外賣) ( 8-AUG-2024 )

( 8-AUG-2024  THU )

一覺瞓到 6 點 35 分   咁當然唔起身住啦   之後再瞓就瞓到 7 點 25 分了 ~

今朝同里奧大人出去食早餐   基本上都係食嗰啲   可能咖啡無少奶   所以配三文治已經好飽   加上我又好早食午餐   朝早唔可能太豐富   哈哈 ~

講開尋晚嘅印尼甜品好好食   我問里奧大人婆婆煮嘢好唔好食 ?!   佢碌大對眼話梗係好食啦   最記得啲蝦碌好好食   我話你又會記得嘅 ?!   佢話梗係記得啦   新年嘅時候一齊食飯嘛 ~

我話你讚我煮得好食   都係得你一個   最多加埋家姐都係得兩大個   咁點樣為知真係好味道 ?!   佢話起碼一餐餸有 8 個人話好食啦   咁我話即係糟糟煮嘢真係好食喎   佢個個朋友都讚   連家姐唔鍾意食中菜都讚佢煮得好食   我真係以為聽錯添呀   哈哈 ~

菇場唔忙呀   又繼續 Skype ~

Lunch Time 出去食水餃上海麵   好似好耐無食咁   突然覺得好好味 ~

食完行去買炸魚皮同菜   之後再行陣都已經 12 點 35 分   係時候番菇場喇 ~

仍然 Skype   今日同冰姑輪住忙咁   我 3 點幾突然忙添呀   又搞咗成個鐘 ~

4 點幾有下午茶食呀   因為老闆請食呢   開心開心 ~

放工即走   今晚里奧大人 7 點先番到屋企呀 ~

是日晚餐 - 咖哩雞柳扁意粉 + 油麥菜苗拚唐生菜 + 炸魚皮 (外賣)

咖哩雞柳扁意粉 - 屋企真係要有咖哩醬料同意粉   咁樣唔知煮咩嘅時候就煮佢哋啦   不過今晚都今晚份量只係里奧大人食同埋帶 Lunch Box   因為我食完下午茶真係好飽   食菜算喇 ~

油麥菜苗拚唐生菜 - 今日特登去買唐生菜   如果一早話老闆請食下午茶   我唔會買啦   哈哈 ~

炸魚皮 (外賣) - 好想食呀   但今次只係買細包喇 ~

洗埋碗即沖涼喇   今晚要坐定定睇奧運   所以里奧大人就要熨 3 機衫喇   呵呵 ~

9 點即睇乒乓球女子團體準決賽   我鍾意睇孫穎莎同陳夢   今晚國家隊贏咗好開心呀 ~

咁講開打乒乓球   我問里奧大人咩身型先最好 ?!   因為每項運動都唔同嘛   之後佢話我身型係偏短   笑死我呀   我話好似矮好過短喎   佢問點解 ?!   矮可以腳長   因為有啲人係腰短腳長   但腳短就無得再長嘛   佢話是但啦   哈哈 ~

睇多陣福寶   今晚 10 點 50 分先瞓 ~